ÖZBƏK ŞAİRİ VƏ ALİMİ TAHİR KAHHAR FOLKLOR İNSTİTUTUNUN QONAĞI OLUB
![](images/3.4.2019-1.jpg)
Azərbaycan Respublikasının Prezidenti, cənab İlham Əliyev 15 noyabr 2018-ci ildə “Böyük Azərbaycan şairi İmadəddin Nəsiminin 650 illik yubileyinin qeyd edilməsi haqqında” Sərəncamı imzalamışdır. Sərəncamdan az bir vaxt keçməsinə baxmayaraq bir sıra işlər görülmüşdür.
Özbəkistandakı Azərbaycan Mədəniyyət Mərkəzinin İmadəddin Nəsiminin əsərlərinin tərcümə edilməsi, nəşri yayılması sahəsində apardığı iş təqdirəlaiqdir. Mərkəz Azərbaycan ədəbiyyyatının bilicisi, özünü “Füzuli ədəbi məktəbinin şagirdi” adlandıran, filologiya elmləri namizədi, dosent Tahir Kahharı İmadəddin Nəsiminin əsərlərinin tərcüməsi işinə cəlb etmişdir.
![](images/3.4.2019-2.jpg) Əvvələr də Azərbaycan ədəbiyyatınadan tərcümələr etmiş Tahir Kahhar İmadəddin Nəsiminin böyük həvəslə və yüksək sənətkarlıqla ana dilinə tərcümə etmişdir.
“Kaspi” qəzeti, “Kaspi” Təhsil Şirkəti və Özbəkistandakı Heydər Əliyev adına Mədəniyyət Mərkəzinin təşkilatçılığı ilə martın 28-də Beynəlxalq Mətbuat Mərkəzində “İmadəddin Nəsimi və Özbək ədəbiyyatı” adlı konfrans keçirilmişdir. Tahir Kahhar da bu konfransa qatılmış, gördüyü işlərdən danışmışdır.
![](images/3.4.2019-3.jpg) Azərbaycanda folklorun toplanması, nəşri, təbliğı, tərcüməsi və yayılması ilə bağlı bilgi almaq üçün filologiya elmləri namizədi, dosent Tahir Kahhar AMEA Folklor İnstitutunun qonağı olub, institutun direktoru, akademik Muxtar Kazımoğlu – İmanovla görüşüb. Görüşdə eyni kökdən olan Azərbaycan və Özbək folklorunun toplanması, tanıdılması və əlaqələrin genişləndirilməsi mövzusunda söhbət aparılıb.
AMEA Folklor İnstitutu Xarici Əlaqələr bölməsinin müdiri Əli Şami də görüşdə iştirak edib.
![](images/3.4.2019-4.JPG)
![](images/3.4.2019-5.JPG)
![](images/3.4.2019-6.JPG)
|