İnstitutun aparıcı şöbələrindən olan Klassik folklor şöbəsində Azərbaycan folklorunun toplanması, tədqiqi və nəşri işləri həyata keçirilir.
Azərbaycan folklorunun toplanması, tədqiqi və nəşri, Azərbaycan folklorunun tarixi-xronoloji ardıcıllıqla inkişaf xüsusiyyətlərinin şərh edilməsi və folklorşünaslığın nəzəri problemlərinin araşdırılması, indiyə qədər xalq içərisində yaşayan və yazıya alınmayan şifahi ədəbiyyat nümunələrinin toplanması, lentə alınması və nəşrə hazırlanması; toplanmış materiallar əsasında çoxcildli regional folklor antologiyalarının (17 kitabı nəşr olunub) və folklor külliyyatlarının (6 kitabı çap olunub) nəşr olunması; «Azərbaycan şifahi xalq ədəbiyyatına dair tədqiqlər» məcmuəsinin, həmçinin «Azərbaycan folklorunun» ilkin nəşrlərin seriyasının (7 kitabı çap olunub) ardıcıl şəkildə ictimaiyyətə çatdırılması şöbənin əsas elmi istiqamətlərini təşkil edir.
Şöbədə son dövrlər çoxlu sayda elmi-nəzəri araşdırmalar nəşrə hazırlanmışdır. XX əsrin ikinci yarısı Azərbaycan folklorşünaslıq elminin mühüm yenilikləri 1961-ci ildən nəşr olunan «Azərbaycan şifahi xalq ədəbiyyatına dair tədqiqlər» məcmuəsində cəmlənir, elmi ictimaiyyətə çatdırılır. Lakin 1987-ci ilə qədər cəmi 7 nömrəsi çap olunan məcmuənin bu günə qədər XXIV cildi nəşr olunmuşdur. Bu məcmuənin nəşrini yalnız Klassik folklor şöbəsinin deyil, bütövlükdə Folklor İnstitutunun, daha geniş miqyasda Azərbaycan folklorşünaslığının, elmi-filoloji düşüncəsinin mühüm elmi nailiyyətlərindən hesab etmək olar.
Şöbənin on səkkiz əməkdaşı vardır. Onlardan üçü filologiya üzrə elmləri doktoru, beş nəfəri filologiya elmləri üzrə fəlsəfə doktorudur.
Məmmədova Nurlana Ramazan qızı
Aşurova Samirə Məhərrəm qızı
Əliyeva Lalə Babək qızı 
Soltanova Elnarə Saday
