Akademik Muxtar İmanovun sədrliyi ilə İctimai Televiziya və Radio Yayımları Şirkəti Yayım Şurasının iclası keçirilib

Bu gün İctimai Televiziya və Radio Yayımları Şirkətinin Yayım Şurasının iclası keçirilib. İclasda səs çoxluğu ilə Balakişi Ələkbər oğlu Qasımov İctimai Televiziya və Radio Yayımları Şirkətinin baş direktoru vəzifəsinə seçilib.
İclasda çıxış edən Yayım Şurasının sədri Muxtar İmanov bildirib ki, İctimai Televiziya və Radio Yayımları Şirkətinin baş direktoru vəzifəsinə seçki keçirilməsi üçün Milli Teleradio Şurası müsabiqə elan edib. Müsabiqəyə 7 iddiaçı öz sənədlərini təqdim edib. İclasda səs çoxluğu ilə Balakişi Ələkbər oğlu Qasımov İctimai Televiziya və Radio Yayımları Şirkətinin baş direktoru vəzifəsinə seçilib.
Yeni baş direktor gələcək fəaliyyəti ilə bağlı bildirib ki, məqsədimiz İctimai Televiziya və Radionu müasir, innovativ media strukturuna çevirmək, televiziya və radionu ölkənin qabaqcıl kütləvi informasiya vasitələri sırasına çıxarmaqdır. Televiziya və radio sahəsində uğur peşəkar komanda ilə sıx bağlıdır. Hazırda İctimai Televiziya və Radioda peşəkarlar çalışır və onlarla birlikdə tamaşaçı üçün daha maraqlı kontent istehsal etməyə çalışacağıq. İctimai Televiziya və Radionun isə məqsədi adından da göründüyü kimi cəmiyyətə qulluq etməkdir. Biz bu işin öhdəsindən daha da yaxşı gəlmək niyyətindəyik.