Folklor İnstitutunda güneyli qonaqlarla görüş olub
![](images/_MG_5061.JPG) Dekabrın 25-də İrandan gəlmiş bir qrup ziyalı – Seyid Məhəmməd Çavuşiyan, Mohəmməd Kumicani, Ruhəngiz Mehri, Esfəndiyar Sepəhri, Əli Xalxali, Rauf Əmini və b. AMEA Folklor İnstitutunun qonağı olublar.
AMEA Folklor İnstitutunun direktoru, akademik Muxtar Kazımoğlu-İmanov qonaqları salamlayıb, İnstitutun fəaliyyəti, ayrıca olaraq son illərdəki folkor toplayıcılığı haqqında bilgi verib. O, İranda yaşayan soy¬daşlarımızın folklorunun toplanılması və nəşri işinin gedişi haqqında danışıb, indiyə kimi “Güney Azərbaycan folkloru” adı altında 6 kitabın nəşr olunduğunu bildirib. Qonaqlar Folklor İnstitutunun fəaliyyətini yüksək dəyərləndirib, folkor materiallarının toplanılması ilə bağlı köməklik göstərəcəklərini vurğulayıblar.
Görüşdə iştirak edən İnstitutun Beynəlxalq əlaqələr sektorunun müdiri Əli Şamil, Güney Azərbaycan şöbəsinin müdiri, fil.ü.f.d., dos. Mətanət Abbasova və b. çıxış edib, fikirlərini bölüşüblər. Qonaqlar İnstitutun Güney Azərbaycan şöbəsində də olublar. Onlara şöbənin iş prinsipi, nəşrləri haqqında bilgi verilib.
![](images/_MG_5083.JPG)
![](images/_MG_5092.JPG)
![](images/_MG_5099.JPG)
![](images/_MG_5024.JPG)
![](images/_MG_5034.JPG)
![](images/_MG_5048.JPG) |