AMEA RƏYASƏT HEYƏTİNİN NÖVBƏTİ İCLASI KEÇİRILMİŞDİR
![](images/25.5.2017-4.JPG)
24 may 2017-ci il tarixində AMEA Rəyasət Heyətinin növbəti iclası keçirilmişdir. İclas AMEA-nın yeni seçilmiş həqiqi və müxbir üzvlərinə diplom və vəsiqələrin verilməsi ilə başlamışdır. Təntənəli təqdimatda AMEA Folklor İnstitutunun direktoru, akademik Muxtar İmanov və Folklor İnstitutunun “Folklorun və yazılı ədəbiyyat” şöbəsinin müdiri, AMEA-nın müxbir üzvü Kamran Əliyev də yer almışlar. Sonda AMEA-nın prezidenti, akademik Akif Əlizadə AMEA-nın yeni seçilmiş həqiqi və müxbir üzvlərini bir daha təbrik etmiş, onlara elmi yaradıcılıqda və həyatda uğurlar arzulamışdır.
Onu da qeyd edək ki, iclasda bir sıra cari məsələlərlə yanaşı, Folklor İnstitutunun “İrs” folklor ansamblının adının dəyişdirilməsi məsələsinə də baxılmış və ansamblın adının dəyişdirilərək “Qorqud” adlandırılması haqqında qərar qəbul olunmuşdur.
![](images/25.5.2017-5.JPG)
![](images/25.5.2017-6.JPG) |