Folklor İnstitutunun əməkdaşları III Beynəlxalq Həmzə Nigari Türk Dünyası Mədəni İrsi Simpoziumunda iştirak ediblər
Mayın 17-də Şamaxı şəhərində III Beynəlxalq Həmzə Nigari Türk Dünyası Mədəni İrsi Simpoziumunun açılış mərasimi olub. Tədbirdə AMEA-nın vitse-prezidenti, akademik İsa Həbibbəyli, AMEA-nın Humanitar Elmlər Bölməsinin akademik-katibi, Əlyazmalar İnstitutunun direktoru, akademik Teymur Kərimli, AMEA
Folklor İnstitutunun direktoru, akademik Muxtar Kazımoğlu-İmanov, ADPU-nun rektoru, professor Cəfər Cəfərov, həmin universitetin Ağcabədi, Quba, Cəlilabad, Şəki filiallarının direktorları, Şamaxı Rayon İcra Hakimiyyəti (RİH) başçısının birinci müavini Qasım Qasımov, Türkiyə, İtaliya və Makedoniyanın bir çox elmi qurumlarının və mədəniyyət mərkəzlərinin əməkdaşları, o cümlədən Amasiya Universiteti, Marmara Universiteti, Çankırı Karatekin Universiteti, İtaliya Yokoku Assosiasiyası və b. müəssisələrin nümayəndələri iştirak ediblər.
ADPU-nun rektoru, professor Cəfər Cəfərov, Şamaxı RİH-in başçısının müavini Qasım Qasımov qonaqları salamlayıb, simpoziumun işinə uğurlar arzulayıblar.
![](images/22.5.2017-3.jpg)
Akademik İsa Həbibbəyli, akademik Muxtar İmanov, akademik Teymur Kərimli çıxışlarında simpoziumun əhəmiyyətini yüksək qiymətləndiriblər.
Tədbirdə müxtəlif mövzularda çoxsaylı məruzələr dinlənilib. Konfransda Folklor İnstitutunun əməkdaşları – Sahibə Paşayeva “İslam həmrəyliyi, multikulturalizm və sufizm”, İlhamə Qəsəbova “Qazaxda - İncə dərəsində təsəvvüf və nəqşibəndilik” mövusunda çıxış ediblər.
![](images/22.5.2017-4.jpg)
![](images/24.5.2017-1.jpg)
![](images/24.5.2017-2.jpg)
![](images/24.5.2017-3.jpg)
|