Əməkdaşlarımız Fransada beynəlxalq kollokviumda iştirak ediblər
Fransanın M ulhouse şəhərində Yuxarı Elzas Universitetin in Azərbaycanın Fransadakı səfirliyi və Gəncə Dövlət Universiteti ilə birlikdə “Azərbaycan aşıqları və Qərb truverləri” mövzusunda beynəlxalq kollokvium keçirmişdir .
Kollokviumda Azərbaycan, Türkiyə, İran, ABŞ, Əlcəzayir və s. ölkələrdən gəlmiş elm və sənət adamları iştirak etmişlər.
![](images/11.5.2016-2.jpg) Kollokviumda İnstitutumuzun əməkdaşları İlhamə Qəsəbova “Aşıq yaradıcılığında ustad-şəyird münasibəti” və Aynur Qəzənfərqızı (Əli Şamil ilə birlikdə) “Cəlili aşıq havaları haqqında” adlı məruzələri ilə çıxış etmişlər. Kollokviumda həmçinin Azərbaycan Aşıqlar Birliyinin (AAB) sədri, əməkdar elm xadimi, AMEA Nizami adına Ədəbiyyat İnstitutunun direktor müavini Məhərrəm Qasımlı və əməkdar incəsənət xadimi, AAB-nin beynəlxalq məsələlər üzrə katibi Sənubər Bağırova, Gəncə Dövlət Universitetinin müəllimi Məhərrəm Orucov və Güney Azərbaycandan “Dalğa” musiqi qrupunun rəhbəri Çingiz Mehdipurun məruzələri maraqla qarşılanmışdır.
Tədbirdə eyni zamanda gənc müğənni Arazın şərq-qərb sintezindən ibarət konserti olmuşdur. Həmçinin əməkdaşımız Aynur Qəzənfərqızı Dalğa qrupunun rəhbəri Çingiz Mehdipur ilə sazda çalıb-oxumuşlar. Əlcəzayirdən gəlmiş Rəşidə Simonun məruzəsində Əlcəzayir, Tunis və Mərakeşdə aşıq sənəti ilə bağlı bilgilər maraqla qarşılanmışdır.
![](images/11.5.2016-3.jpg)
|