Yeni Azərbaycan Partiyası Folklor İnstitutu ilk təşkilatının təsis yığıncağı keçirilib
![](images/24.2.2016-1.JPG) Fevralın 24-də Yeni Azərbaycan Partiyası Folklor İnstitutu ilk təşkilatının təsis yığıncağı keçirilib. Tədbirdə Folklor İnstitutu üzrə YAP üzvləri iştirak ediblər.
Tədbiri giriş sözüylə AMEA Folklor İnstitutunun direktoru, AMEA-nın müxbir üzvü Muxtar Kazımoğlu – İmanov açıb, bildirib ki, o, İctimai Televiziyanın Yayım Şurasının üzvü olduğuna görə heç bir partiyanın sırasında ola bilməz. O, yığıncaq iştirakçılarına uğurlar arzulayıb.
![](images/24.2.2016-3.JPG) Sonra çıxış edən YAP Yasamal rayon təşkilatının sədri Tağı Əhmədov çıxış edərək ulu öndər Heydər Əliyevin yaratdığı Yeni Azərbaycan Partiyası, onun məramnanaməsi və nizamnaməsi haqqında ətraflı məlumat verib. Eləcə də o, ölkəmizin gündən-günə inkişaf etməsindən, bu prosesdə Yeni Azərbaycan Partiyasının mühüm rolundan danışıb.
YAP Yasamal rayon təşkilatının Qadınlar Şurasının sədri, fil.ü.f.d. Xədicə İsgəndərli Folklor İnstitutu üzrə Yeni Azərbaycan Partiyası üzvləri haqqında bilgi verib. Bildirilib ki, indiyə kimi AMEA Folklor İnstititunda 20 nəfər YAP üzvü olub, indi isə 40 nəfər YAP sıralarına daxil olur.
![](images/24.2.2016-2.JPG) Yığıncaqda Yeni Azərbaycan Partiyası Folklor İnstitutu ilk təşkilatının İdarə Heyətinin yaradılması haqqında qərar qəbul edilib.
Fil.ü.f.d. Oruc Əliyev, fl.ü.f.d. Əziz Ələkbərli, fl.ü.f.d. Nizami Muradoğlu, fl.ü.f.d. Qalib Sayılov, fl.ü.f.d. Aynur Babək, fl.ü.b.d. Nübar Həkimova, Raya Cəfərova İdarə Heyətinin üzləri seçiliblər.
F.ü.b.d. Nübar Həkimova Yeni Azərbaycan Partiyası Folklor İnstitutu ilk təşkilatının sədri, fl.ü.f.d. Əziz Ələkbərli isə sədrin müavini seçiliblər.
Təsis yığıncağında YAP Yasamal rayon təşkilatı sədrinin müavini, akademik Qərib Məmmədov da iştirak edib.
![](images/24.2.2016-4.JPG)
|