Əməkdaşımız beynəlxalq konfransda iştirak edib
AMEA Folklor İnstitutunun Folklorun toplanması və sistemləşdirilməsi şöbəsinin aparıcı elmi işçisi, fil.ü.f.d.,dos. Aynur Cəlilova 25-27 mart 2022-ci il tarixlərində AMEA Dilçilik İnstitutunun təşkil etdiyi Mahmud Kaşğarlı “Divani lüğət-it türk” -950 beynəlxalq konfransında “Kaşğarlının “Divani-lüğət-it-türk” əsərində ov adları və ovçuluqla bağlı bilgilər” adlı məruzə ilə iştirak edib. A.Cəlilova məruzəsində Kaşğarlı lüğətində yer alan ov adları, onların semantikası, ovçuluq adət-ənənələri, ov terminləri, predmetləri mövzusu ətrafında çıxış edib. Məruzəçi lüğətdə isim, sifət, fellərdə rast gəlinən ov motivlərini, atalar sözləri və məsəlləri, ov səhnələrini əks etdirən poetik parçaları ətraflı araşdıraraq sistemli şəkildə dinləyicilərin diqqətinə çatdırıb. Məruzə dinləyicilər tərəfindən maraqla qarşılanıb. |