Azərbaycan radiosunun “Tərəkəmə” verilişində Aşıq Ələsgərin yaradıcılığı haqqında danışılıb
17 aprel 2021-ci ildə AMEA Folklor İnstitutunun əməkdaşı, fil.ü.f.d. Elçin Qaliboğlu Azərbaycan radiosunun “Tərəkəmə” verilişinin qonağı olub. Veriliş ustad Aşıq Ələsgərə həsr olunub. Bildirilib ki, bənzərsiz söz yiyəsi Aşıq Ələsgər Azərbaycanın tarixi ərazilərindən olan, indi Ermənistan adlandırılan əzəli türk yurdunda yaşayıb-yaradıb. Aşıq Ələsgərin ömrü dastanlaşıb, rəvayətləşib, hələ sağlığında irsi dillərdə əzbər olub. Səbəbi onun xalq ruhunu özünəməxsus ifadə etməsi, xalq mənəviyyatına uyğun yaşaması idi. Xətayə Sahabinin aparıcısı olduğu verilişdə xalq artisti, tanınmış diktor Eldost Bayramın ifasında Aşıq Ələsgərin poeziyasından örnəklər təqdim olunub. |