Azərbaycan radiosunun “Dünya bir nağıldır” verilişində Loğman obrazı haqqında danışılıb
AMEA Folklor İnstitutunun böyük elmi işçisi, fil.ü.f.d. Elçin Qaliboğlu Azərbaycan radiosunun “Dünya bir nağıldır” verilişinin qonağı olub. “Azərbaycan nağıllarında Loğman obrazı” mövzusunda danışan E.Qaliboğlu obrazın özünəməxsus cəhətlərinin nağılçılıqda ifadəsinə toxunub. Bildirib ki, Loğman obrazı Azərbaycan nağıllarında ilk növbədə mənəvi həkim funksiyasını yerinə yetirir. Yəni dünyaya, həyata, insanın daxili dünyasına dərindən bələd olan Loğman dar gündə insanlara mənən dayaq olur. Eyni zamanda nağıllardakı Loğman obrazı həm də gerçək həkimdir, insanların sağalmaz xəstəliklərinə əlac edə bilir. Zaman-zaman nağıl düşüncəsindəki Loğman obrazı şifahi ədəbiyyatdan yazılı ədəbiyyata keçib, bu gün də yaradıcı düşüncədə yaşamaqdadır. Qeyd edək ki, indiyə kimi E.Qaliboğlu bu verilişdə bir çox mövzularda çıxış edib. |