“Beynəlxalq ana dili günü” mövzusunda onlayn seminar keçirilib
![](images/20.2.2021-1.jpg)
19 fevral 2021-ci il tarixində Azərbaycan Dillər Universitetinin Magistratura şöbəsinin təşkilatçılığı ilə “Beynəlxalq ana dili” mövzusunda onlayn seminar keçirilib. Microsoft Teams proqramı ilə onlayn formada baş tutan seminarı giriş sözü ilə AMEA Folklor İnstitutunun direktoru, Azərbaycan Dillər Universitetinin “Azərbaycan ədəbiyyatı” kafedrasının müdiri, akademik Muxtar Kazımoğlu-İmanov açıb. O, tədbir iştirakçılarını salamlayaraq “Beynəlxalq ana dili günü” münasibəti ilə təbrik edib. Azərbaycan dilinin imkanlarından bəhs edən akademik qeyd edib ki, dilimizin zənginliyi elmi üslubda, bədii üslubda, publisistik üslubda öz əksini tapmalıdır və üslubları inkişaf etdirmək bizim ən böyük vəzifələrimizdən biridir.
Sonra ADU-nun magistrantı Nicat Həşimzadə “Azərbaycan dilinin yaranması, tarixi əhəmiyyəti” mövzusunda çıxış edib.
Daha sonra universitetin Magistratura şöbəsinin müdiri, ped.ü.f.d., dos. Firuzə Rzayeva bu tipli tədbirlərin əhəmiyyətindən danışıb. F.Rzayeva çıxışının sonunda magistrantlar adından akademik M.Kazımoğlu-İmanova seminarın təşkilinə göstərdiyi köməyə görə təşəkkürünü bildirib.
![](images/20.2.2021-3.jpg)