AMEA Folklor İnstitutu Silahlı Qüvvələrə Yardım Fonduna ianə edib

Müzəffər ordumuzun qələbələrini xalqımız böyük iftixar hissi ilə qarşılayır. Ordumuza dəstək olmaq məqsədilə AMEA Folklor İnstitutu əməkdaşlarının böyük əksəriyyəti bir aylıq əməkhaqlarının on faizini, İnstitutun direktoru, akademik Muxtar Kazımoğlu – İmanov və institut əməkdaşlarının bir qismi isə bir aylıq əməkhaqlarını Silahlı Qüvvələrə Yardım Fonduna köçürmək qərarına gəliblər.
Ordumuz üçün, Vətənimiz üçün, torpaqlarımızın bütövlüyü uğrunda canından, qanından keçməyə hazır olan igid oğullarımıza edilən dəstək davamlı olacaq. Alimlərimiz inanır ki, Azərbaycanın üçrəngli bayrağı tezliklə Qarabağın bütün ərazilərində dalğalanacaqdır.