Mərasim folkloru şöbəsinin onlayn iclası
![](images/19.4.2020.jpg)
17 aprel 2020-ci il tarixində AMEA Folklor İnstitutunun Mərasim folkloru şöbəsinin növbəti iclası onlayn şəkildə keçirilmişdir. İclasda yoluxucu virusla bağlı tətbiq edilmiş karantin rejimindən irəli gələn sosial izolyasiya şəraitində elmi tədqiqatların mümkün vasitələrlə davam etdirilməsi və onlayn imkanlarla əlaqələndirilməsi məsələsi müzakirə edilmişdir. İclasın gündəliyinə aşağıdakı məsələlər daxil edilmişdir:
1. Yoluxucu virusdan mühafizə olunmaqda kütləvi tədbirlərin və xalq mərasimlərinin təxirə salınmasının əhəmiyyəti haqqında. Şöbə müdiri Ağaverdi Xəlilin məruzəsi.
2. Epidemiya və təbii fəlakət şəraitində İslam dəyərlərinin tövsiyyə etdiyi davranış tərzi. Şöbənin aparıcı elmi işçisi Qalib Sayılovun məruzəsi.
3. Elmi tədqiqat işlərinin yerinə yetirilməsinin gedişi. Şöbə əməkdaşların hesabatları.
4. Doktorantların tədqiqat işlərinin vəziyyəti ilə bağlı hesabatları.
Hesabatlardan məlum olub olub ki, şöbədə elmi tədqiqat işlərinin yerinə yetirilməsi nəzərdə tutulduğu şəkildə davam etməkdədir.
Bu il ərzində şöbə əməkdaşlarının 10-a qədər məqaləsi və müxtəlif elmi jurnallarda və iki kitabı (o cümlədən, xaricdə) çap olunmuşdur. Şöbə əməkdaşları sosial izolyasiya şəraitində də beynəlxalq elmi konfranslarda onlayn imkanlarla iştirak etmişdir.
İclasda dinlənilən hesabatlar qənaətbəxş hesab edilmişdir.
İclasda şöbənin əməkdaşları tam tərkibdə iştirak ediblər.