16 aprel 2020-ci il tarixdə AMEA Folklor İnstitutu "Dədə Qorqud" şöbəsinin onlayn iclası keçirilib. İclası şöbə müdiri, filologiya üzrə elmlər doktoru Ramazan Qafarlı açıb. Gündəlikdəki “2020-ci ilin birinci rübündə elmi işlərin yerinə yetirilməsi haqqında” məsələsi ətrafında müzakirə aparılıb. Böyük elmi işçi, f.ü.f.d. Xuraman Kərimova, aparıcı elmi işçi, f.ü.f.d. Nigar Həsənova, aparıcı elmi işçi, f. ü.f.d. Səbinə İsayeva, böyük elmi işçi Xalidə Məmmədova, kiçik elmi işçi Lalə Hüseynova üç aylıq elmi fəaliyyətləri barədə hesabat vermişlər. Yığıncağın işində baş laborant Sədaqət Qafarova və böyük laborant Kəmalə Rzayeva da iştirak etmişlər.