Folklor İnstitutunda 1 Mart - Ümumdünya Mülki Müdafiə Günü ilə bağlı tədbir keçirilib

Mart ayının 2-də AMEA Folklor İnstitutunda 2020-ci il üçün “Mülki müdafiə hazırlığı üzrə tədbirlər planına” əsasən “Mülki müdafiə və hər bir evdə ilk yardım edən” mövzusunda tədbir keçirilib.
Tədbiri İnstitutun ümumi işlər üzrə direktor müavini Abuzər Gülməmmədov açaraq bu cür marifləndirici toplantıların ardıcıl keçirilməsinin önəmliliyini vurğulayıb. O, mülki müdafiə təlimlərin ə xüsusi diqqət yetirildiyini, qurumun əməkdaşlarının müntəzəm olaraq seminarlara cəlb edildiyini, fövqəladə vəziyyət, yanğın təhlükəsi, ilkin tibbi yardım və başqa məsələlərlə bağlı maarifləndirildiyini söyləyib.

Tədbirə qonaq qismində qatılan FHN-nin Dövlət Yanğın Xidmətinin “Təbliğat” şöbəsinin mütəxəssisi Nizami Fərəcov çıxış edərək bu cür marifləndirici tədbirlərin AMEA-nın elmi müəssisə və təşkilatlarında yüksək səviyyədə kecirilməsinin təqdirəlayiq olduğunu vurğulayıb. O, fərdi və kollektiv müdafiə vasitələrindən istifadə etməyi bilmək, fövqəladə hadisələrdən qorunmaq üçün əsas müdafiə üsullarını öyrənmək, ekstremal hallar zamanı müəyyən olunmuş davranış qaydalarına əməl etməyin vacibliyini bildirib. N.Cəfərov eləcə də ilkin tibbi yardımın göstərilməsi qaydalarını mənimsəmək və onu tətbiq etməyin zəruririliyindən danışıb.
Sonra FHN-nin Dövlət Yanğın Xidmətinin hazırladığı bir neçə marifləndirici video çarxı nümayiş etdirilib.

Folklor İnstitunun Mülki Müdafiə Qərargahının rəisi Elşad Quliyevə söz verilib. E.Quliyev Ümumdünya Mülki Müdafiə Gününün 1 mart 1972-ci ildən etibarən qeyd olunduğunu, eləcə də hər il konkret mövzuya həsr edildiyini bildirib, bu cür seminarların keçirilməsində məqsəd ehtimal olunan fövqəladə hadisələrin təsirindən qorunmaq üçün öncədən profilaktik tədbirlərin görülməsi, elmi müəssisədə fəaliyyət göstərən əməkdaşların maarifləndirilməsinə və onların mülki müdafiə hazırlığının yoxlanılmasına xidmət etdiyini vurğulayıb.
Tədbirin sonunda Dövlət Yanğın Nəzarəti Xidmətinin böyük inspektoru Emil Nəbiyev tədbir iştirakçılarının suallarını cavablandırıb.