Folklor İnstitutu Elmi Şurasının növbəti iclası keçirilib

2020-ci il fevralın 7-də AMEA Folklor İnstitutu Elmi Şurasının növbəti iclası keçirilib. İclası giriş sözü ilə Folklor İnstitutunun direktoru, akademik Muxtar Kazımoğlu-İmanov açıb. M.İmanov “Azərbaycan Milli Elmlər Akademiyasının 2020-2025-ci illər üzrə İnkişaf poqramı” çərçivəsində Folklor İnstitutunun İnkişaf proqramının hazırlanması barədə məlumat vermişdir. O, “Azərbaycan Milli Elmlər Akademiyasının 2020-2025 -ci illər üzrə İnkişaf poqramı” na uyğun olaraq İnstitutun hazırladığı proqramın prioitet istiqamətləri və infrastrukturunun modernləşməsinin, optimallaşmasının vacibliyini vurğulamış və bu istiqamətdə görüləcək tədbirlər haqqında Elmi Şura üzvlərini məlumatlandırmışdır.

Sonra iclasın gündəliyinin növbəti məsələsi - “AMEA Folklor İnstitutu əməkdaşları barədə informasiyaların “Elmi kadrlar” Milli İnformasiya Sistemində yerləşdirilməsi barədə” Elmi Şura üzvlərinə ətraflı məlumat verilmişdir. İnstitutun elmi katibi, fil.ü.f.d., dos. E.Abbasov həmçinin AMEA Folklor İnstitutu üzrə elmlər doktoru hazırlığı üzrə dissertantura və doktoranturasına qəbulun nəricələrinə də aydınlıq gətirmişdir.
İclasın sonunda Folklor İnstitutunun “Musiqi folkloru”və “Klassik folklor” şöbələrinin müdiri vəzifələrinə seçkilər keçirilmişdir. Səsvermənin nəticələrinə əsasən “Musiqi folkloru” şöbəsinə sən.e.d., prof. Nailə Rəhimbəyli, “Klassik folklor” şöbəsinə isə fil.ü.f.d., d os. Rza Xəlilov seçilmişlər.