İnstitutumuzun qonaqları

AMEA Folklor İnstitutunun direktoru, akademik Muxtar Kazımoğlu ABŞ-da yaşayıb fəaliyyət göstərən Güney Azərbaycan kökənli soydaşımız Naser Əlixanini və Təbrizdə yaşayan musiqiçi-tədqiqatçı Seyid Məhəmməd Cavuşianı qəbul etmişdir. Qonaqlar ABŞ-da və Güney Azərbaycanda, Təbrizdə yaşayan soydaşlarımızın həyatı və yaradıcı fəaliyyətləri barədə geniş məlumat vermiş, Folklor İnstitutu ilə bu ölkələrdəki insanlarımız arasında mədəni əlaqələrin daha da genişlənməsi istiqamətində görülə biləcək işlərdən danışmışlar. Nəzərdə tutulan tədbirlər barədə Muxtar Kazımoğlunun dəyərli fikirləri dinlənilərək yüksək dəyərləndirilmişdir. Qonaqlara Folklor İnstitutunun hədiyyələri təqdim olunmuşdur.