Daşkənddə Hüseyn Cavid yaradıcılığı ilə bağlı beynəlxalq elmi konfrans keçirilib

9 noyabr 2018-ci ildə Özbəkistan Respublikasının Daşkənd şəhərində Hüseyn Cavidin 135 illiyinə həsr edilmiş elmi konfransda şöbəmizin müdiri, AMEA-nın müxbir üzvü, Əməkdar elm xadimi Kamran Əliyev “Hüseyn Cavid yaradıcılığında Şərq-Qərb qarşıdurması” mövzusunda məruzə etmişdir. Məruzədə diqqət H.Cavid yaradıcılığının özəlliklərinə yönəldilmişdir.
Şair-dramaturqun məkan seçimində Avrasiya coğrafiyasına önəm verməsi, xüsusilə “Topal Teymur” pyesində Səmərqənddən bəhs etməsi, “Səyavuş” faciəsində müasir orta Asiyanı obyekt kimi götürməsi, “Uçurum” əsərində İstanbul və Parisi, “Knyaz” və “Azər”də Almaniyanı – Berlini canlandırması Şərq-Qərb qarşıdurmasının əsası kimi inikas etdirilmişdir.
H.Cavid dramaturgiyasında Şərq-Qərb qarşıdurması milli mənəvi-əxlaqi dəyərlərin qorunması ideyasını da özündə cəmləşdirir. Şərqli düşüncəsinin və davranış mədəniyyətinin üstünlükləri romantizm estetikasının prinsipləri mövqeyindən işıqlandırılmışdır.