Folklor İnstitutunda rəhbər heyətin mülki müdafiə məşqi keçirilib
![](images/16.11.2018-1.JPG) Noyabrın 16-da AMEA Folklor İnstitutunda rəhbər heyətin mülki müdafiə məşqi keçirilib. Tədbiri İnstitutun ümumi işlər üzrə direktor müavini Abuzər Gülməmmədov açaraq belə toplantıların hər il keçirilməsinin önəmi haqqında danışıb.
İnstitutun Mülki Müdafiə Qərargahının rəisi Elşad Quliyev “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda çıxış edib. O, məşqin məqsədinin rəhbər heyət tərəfindən mülki müdafiə planının öyrənilməsi və dəqiqləş-dirilməsi, fövqəladə hallarda davamlı idarə etmənin təkmilləş-dirilməsi, mülki müdafiə tədbirlərini yerinə yetirərkən əməkdaşlara başçılıq edən rəhbər, komandir-rəis heyətinin hazırlığının artırılması kimi məsələlərdən danışıb. Bundan başqa qərargah rəisi E.Quliyev İnstitutda ehtimal olunan fövqəladə hadisələrdən və bu zaman davranış qaydaları (zəlzələ, yanğın, düşmən hücumu, daşqın, yaralanma, ilkin tibbi yardım qaydaları və s.) haqqında da geniş bilgi verib.
O, AMEA II Xüsusi Şöbəsinin bu kimi hallarda əməkdaşların təhlükəsizliyinin təşkili və qorunması ilə bağlı tövsiyə və tapşırıqları, çap olunmuş kitabçalar əsasında hərəkət edilməsinin gərəkliyini vurğulayıb. Tədbirin sonunda fövqəladə hallarda davranış qaydaları haqqında videoçarx nümayiş etdirilib.
Direktor müavini A.Gülməmmədov tədbiri yekunlaşdırıb.
![](images/16.11.2018-2.JPG)
![](images/16.11.2018-3.JPG)
![](images/16.11.2018-5.JPG) |