AMEA Folklor İnstitutu Elmi Şurasının növbəti iclası keçirilib

Oktyabrın 23-də AMEA Folklor İnstitutu Elmi Şurasının növbəti iclası keçiirilib. İclası giriş sözüylə açan AMEA Folklor İnstutunun direktoru, akademik Muxtar Kazımoğlu-İmanov gündəlikdəki məsələlər haqqında məlumat verib.
İlk məsələ “AMEA Folklor İnstutunun elmi tədqiqat şöbələrinin 2018-ci il üzrə elmi və elmi təşkilati fəaliyyətinin yoxlanılması haqqında” olub. Bu barədə İnstitutun elmi işlər üzrə direktor müavini, fil.ü.f.d., dos. Oruc Əliyev məlumat verib, şöbələrin yoxlanılacağı tarixlə bağlı cədvəli təqdim edib. Bildirib ki, bitən işlər bir ay müddətində yekunlaşdırılıb rəyləşdirilərək yoxlama komissiyasına təqdim edilməlidir.

Sonra Folklor İnstitutunun vakant aparıcı və böyük elmi işçi vəzifələrinə seçkilər keçirilib. Seçkinin nəticələrinin AMEA Humanitar Elmlər Bölməsinə təsdiqə göndərilməsinə qərar verilib.
Bundan sonra cari məsələlərə baxılıb. İnstitut əməkdaşlarının məqalələrinin respublikanın nüfuzlu jurnallarında çapı məqsədəuyğun hesab edilib.
İclasda fil.ü.f.d. Z.Mənsimova və fil.ü.f.d. Atif İslamzadəyə dosent elmi adının verilməsi ilə bağlı məsələ müzakirə edilib. Səsvermənin nəticələrinə əsasən Z.Mənsimova və Atif İslamzadəyə ixtisas üzrə dosent elmi adının verilməsi ilə bağlı AAK qarşısında vəsatət qaldırılması barədə qərar qəbul edilib.