Folklor İnstitutunda görüş
![](images/24.10.2018-1.JPG)
Görkəmli krım-tatar türkoloqu Zera Bəkirova oktyabrın 17-də AMEA Folklor İnstitutunun qonağı olub. Z.Bəkirova alim olmaqla yanaşı, rüblük “Nenkacan” jurnalının baş redaktorudur. Z.Bəkirova 1957-ci ildə krımlılar sürgündə olarkən krım-tatar dilində Daşkənddə nəşr olunan “Lenin bayrağı” qəzetində verilmiş folklor materiallarını toplayıb tədqiq edib. Qeyd edək ki, bu qəzet Daşkənddə krımlılar ana vətənə qayıdana qədər – 1957-ci ildən 1991-ci ilədək nəşr olunub.
İnstitutun direktoru, akademik Muxtar Kazımoğlu-İmanov qonağı səmimiyyətlə qarşılayıb, rəhbərlik etdiyi elmi müəssisənin iş həyatı, yeniliklər haqqında bilgi verib. Görüşdə Azərbaycan-Krım ədəbi əlaqələrinin genişləndirilməsi, Krımda yaşayan tatarların, karaimlərin, krımçaklarım, urumluların folklorunun toplanılıb tədqiqata cəlb olunması, Azərbaycan folklorunun Krımda təbliği və tanıdılması istiqamətində görülməsi mümkün işlər müzakirə olunub.
Görüşdə İnstitutun “Azsaylı xalqların folkloru şöbəsi”nin müdiri, fil.ü.f.d., dos. Afaq Xürrəmqızı, “Xarici əlaqələr bölməsi”nin müdiri Əli Şamil də iştirak ediblər.
![](images/24.10.2018-3.JPG)