İyunun 4-də AMEA Folklor İnstitutu Elmi Şurasının növbəti iclası keçirilib. İclası giriş sözüylə Folklor İnstitutunun direktoru, akademik Muxtar Kazımoğlu açaraq 2018-ci ilin ilk yarım ili üçün qarşıya qoyulmuş işlərin vəziyyəti haqqında məlumat verib.
Sonra Folklor İnstitutunun elmi-tədqiqat şöbələrinin 2018-ci ilin I yarısı üzrə elmi və elmi-təşkilat fəaliyyəti haqqında şöbə müdirlərinin məlumatı dinlənilib. Şöbə müdirləri elmi-tədqiqat işlərinin yerinə yetiril-mə vəziyyəti, görülən təşkilati işlər, qarşıda duran vəzifələr, eləcə də çatışmazlıqlar haqqında söz açıblar.

Növbəti məsələ olaraq İnstitutun elmi katibi, f.d. Elçin Abbasov 2017-2018 tədris ilində AMEA Folklor İnstitutunun doktorantura və dissertan¬turasına qəbul olmuş iddiaçıların fərdi iş planları barədə bilgi verib.
Elmi Şurada ixtisas üzrə dosent elmi adının verilməsi, eləcə də nəşrlə bağlı cari məsələlərə baxıldıqdan sonra araşdırmaçı Seyran Mirzəyevin “Sayat Novanın dini və milli mənsubiyyəti” adlı məruzəsi dinlənilib. Fil.ü.f.d. Əziz Ələkbərli, fil.ü.f.d. Elxan Məmmədli məruzə ilə bağlı çıxış ediblər.