Hərbiləşdirilməmiş milki müdafiə qüvvələrilə xəbərdarlıq və toplanış məşqi keçirilib
Mayın 4-də AMEA Folklor İnstitutunda hərbiləşdirilməmiş milki müdafiə qüvvələrilə xəbərdarlıq və toplanış məşqi keçirilib. İnstitutun mülki müdafiə (MM) qərargahının rəisi Elşad Quliyev bildirib ki, tədbirin mövzusu “Fövqəladə hadisə zamanı xəbərdalıq “Toplanış” siqnalını aldıqda MM planında müəyyən edilmiş yerə hərbiləşdirilməmiş dəstələrin şəxsi heyətinin toplanması”dır. Məqsəd fövqəladə hadisə zamanı və xəbərdarlıq “Toplanış” siqnalını aldıqda hərbiləşdirilməmiş dəstələrin şəxsi heyətinin davranış qaydaları təcrübəsini artırmaq, bacarıqlarını təkmilləşdirmək və hazır vəziyyətə gətirməkdir.
Məruzəçi fövqəladə hallarda (zəlzələ, yanğın, düşmən hücumu, daşqın, yaralanma və s.) davranış, xilasetmə və ilkin tibbi yardım qaydaları haqqında geniş bilgi verib. E.Quliyev AMEA II Xüsusi şöbəsinin bu kimi hallarda əməkdaşların təhlükəsizliyinin təşkili və qorunması ilə bağlı tövsiyə və tapşırıqları, çap olunmuş kitabçalar əsasında hərəkət edildməsinin gərəkliyini vurğulayıb. MM qüvvələrinin komandirləri isə öz üzərlərinə düşən vəzifələr haqqında danışıblar.
Tədbirdə fövqəladə hallar zamanı odsöndürən balondan istifadə qaydaları haqqında geniş məlumat verilib və suallar cavablandırılıb.
Sonda institutun ümumi işlər üzrə direktor müavini Abuzər Gülməmmədov məşq zamanı ortaya çıxan çatışmazlıqları qeyd edib, onların qısa vaxtda aradan qaldırılması məqsədilə tapşırıqlar verib.
Tədbirdə ümumən qarşıya qoyulmuş məqsədə nail olunub.
|