Akademik Muxtar İmanov Ulu öndər Heydər Əliyevin anadan olmasının 95 illiyinə həsr olunmuş beynəlxalq konfransda iştirak edib
AMEA Folklor İnstitutunun direktoru, akademik Muxtar İmanov Yeni Azərbaycan Partiyası, Azərbaycan Dillər Universiteti və Bakı Beynəlxalq Multikulturalizm Mərkəzinin birgə təşkilatçılığı ilə 13-14 aprel 2018-ci il tarixində Ərzurum Atatürk Universitetində keçirilmiş beynəlxalq elmi konfransda iştirak edib. “Heydər Əliyev və türk dünyası” mövzusunda keçirilən və “Heydər Əliyev: multikulturalizm və tolerantlıq ideologiyası” silsiləsindən olan tədbir öz işinə Ümummilli lider Heydər Əliyevin həyat və yaradıcılığına həsr olunmuş fotosərginin nümayişi ilə başlayıb. Açılış iclasında AMEA Folklor İnstitutunun direktoru, akademik Muxtar İmanov, Azərbaycanın Türkiyədəki fövqəladə və səlahiyyətli səfiri Xəzər İbrahim, Atatürk Universitetin rektoru professor Ömer Çomaklı, Ərzurum Bələdiyyəsi sədri Mehmet Sekmen, Naxçıvan Universitetinin rektoru, professor Saleh Məhərrəmov, DTX-nın Heydər Əliyev adına Akademiyasının rəis müavini Seymur Şeydayev, fakültə rəisi, professor Cəlal Qasımov, ADU-nun Beynəlxalq Münasibətlər və İdarəetmə fakül-təsinin dekanı dosent İbrahim Kazımbəyli, Ərzurum valisi Seyfəddin Əzizoğlu və digərləri iştirak ediblər. Daha sonra konfrans öz işini bölmə iclaslarında davam etdirib. İclasda akademik Muxtar İmanovun “Heydər Əliyev və ümumtürk folkloru” adlı məruzəsi maraqla qarşılanıb. Muxtar İmanovun sədrlik etdiyi seksiyada isə 10-dan artıq məruzə dinlənilib, Heydər Əliyevin türk xalqlarının mənəvi-mədəni birliyinin bərpası istiqamətində fəaliyyəti ilə bağlı disskusiyalar aparılıb.
![](images/19.4.2018-10.jpg)
![](images/19.4.2018-11.jpg)
![](images/19.4.2018-12.jpg)
![](images/19.4.2018-13.jpg)
![](images/19.4.2018-15.jpg)
![](images/19.4.2018-20.jpg)
|