“Azərbaycan folkloru və milli-mədəni müxtəliflik” Beynəlxalq Elmi-Praktik Konfransın materialları işıq üzü görüb (Bakı, Mütərcim, 234 səh.). 19-20 may 2016-cı il tarixində Zaqatala şəhərində keçirilmiş konfransın təşkilatçıları Azərbaycan Respublikasının Prezidenti yanında Bilik Fondu, AMEA Folklor İnstitutu, Bakı Beynəlxalq Multikulturalizm Mərkəzi, Azərbaycan Respublikası Dini Qurumlarla İş üzrə Dövlət Komitəsi və Zaqatala Rayon İcra Hakimiyyəti olmuşdu.
Nəşrin elmi redaktoru AMEA Folklor İnstitutunun direktoru, akademik Muxtar Kazımoğlu-İmanov, tərtibçilər AMEA Folklor İnstitutunun böyük elmi işçisi, filologiya üzrə fəlsəfə doktoru Atəş Əhmədli, AMEA Folklor İnstitutunun aparıcı elmi işçisi Mətanət Yaqubqızı, Azərbaycan Respublikasının Prezidenti yanında Bilik Fondunun baş mütəxəssisi, filologiya üzrə fəlsəfə doktoru Elnarə Əliyevadır.
Kitabda çıxışlar və elmi məqalələr yer alıb.