Çinli professor Folklor İnstitutunun qonağı olub
İyunun 14-də Çin Sosial Elmlər Akademiyası Xalqlar Ədəbiyyatı İnstitutunun əməkdaşı, professor Xuan Zonqxian AMEA Folklor İnstitutunun qonağı olub. AMEA Folklor İnstitutunun direktoru, AMEA-nın həqiqi üzvü Muxtar Kazımoğlu-İmanov qonağı səmimiyyətlə qarşılayıb, institutda görülən işlər haqqında ətraflı bilgi verib. Qonaq diqqətə görə təşəkkürünü bildirib, araşdırdığı qazax dastanları və ümumən türk dastançılıq ənənəsi haqqında elmi qənaətlərini bölüşüb. Söhbət əsnasında Çin Sosial Elmlər Akademiyası Xalqlar Ədəbiyyatı İnstitutu ilə Folklor İnstitutu arasında əməkdaşlığın inkişaf perspektivləri müzakirə olunub.
Görüşdə BDU-nun professoru, fil.ü.e.d. Vaqif Sultanlı, AMEA Nizami adına Ədəbiyyat İnstitutu Asiya xalqları ədəbiyyatı şöbəsinin müdiri, fil.ü.e.d., prof. Bədirxan Əhmədov, AMEA Folklor İnstitutunun əməkdaşları - İnstututun Xarici əlaqələr bölməsinin rəhbəri Əli Şamil, fil.ü.e.d Almaz Həsənqızı, Elçin Qaliboğlu, Aynur Qəzənfərqızı da iştirak ediblər.
Folklor İnstitutunun direktoru, akademik Muxtar Kazımoğlu-İmanov professor Xuan Zonqxiana Folklor İnstitutunun nəşrlərini hədiyyə edib.
![](images/IMG_0142.JPG) |