AMEA Folklor İnstitutu “Folklor və yazılı ədəbiyyat” şöbəsinin aparıcı elmi işçisi, fil.ü.f.d., dos. Fidan Qasımova 10-13 aprel 2017-ci il tarixində Türk Tarix Qurumu və Qazi Universitetinin əməkdaşlığı ilə Türkiyə Cümhuriyyətinin Ankara şəhərində keçirilmiş “Prof. Dr. Xəlil İnalcık: Tarix və ‎Tarixçilik” adlı Beynəlxalq Simpoziumda iştirak edib. Əməkdaşımız burada “Tarix və folklor əlaqələri” mövzusunda məruzə ilə çıxış edib.

Bu simpoziumda Azərbaycandan t.ü.f.d. İradə Məmmədova, t.ü.f.d. Elvira Lətifova, Ümid Niayeş, fil.ü.f.d. Cavidə Məmmədova, t.ü.f.d. Cavid Qasımov, prof., t.ü.e.d. Musa Qasımlı, prof., t.ü.e.d. Nərgiz Əliyeva, t.ü.f.d. Könül Əsədli, t.ü.f.d. Zivər Hüseynli, t.ü.f.d. Elnurə Əzizova, t.ü.f.d. Sevinc Qasımova, t.ü.f.d. Ziyad Əmrahov, t.ü.f.d. Səbinə Nemətzadə, Ruhəngiz Kərimli kimi alimlər də müxtəlif mövzularda məruzə ilə çıxış ediblər.
Simpoziumda Azərbaycan ilə yanaşı, Türkiyə, Rusiya, Litva, Ukrayna, Qazaxıstan, Rumıniya, Albaniya, Qırğızıstan, İran, İraq və Əlcəzairdən olan tarixçi-alim və tədqiqatçılar da iştirak ediblər.