Özbəkistan mətbuatında AMEA-nın Folklor İnstitutu haqqında yazılar dərc edilib
![](images/IMG_7798.JPG)
Noyabrın 21-də Özbəkistan Respublikası Turan Elmlər Akademiyasının akademiki, Səmərqənd Dövlət Universitetinin professoru Səxavət Ociyev AMEA Folklor İnstitutunun qonağı olub. İnstitutun direktoru, AMEA-nın müxbir üzvü Muxtar Kazımoğlu-İmanov qonağı salamlayıb, İnstitutda görülən işlər haqqında ətraflı bilgi verib. S.Ociyev AMEA Folklor İnstitutunun keçirdiyi tədbirlərin Özbəkistan ədəbi-elmi mühitində də maraqla qarşılandığını, mətbuatda bununla bağlı tez-tez yazılar dərc olunduğunu bildirib. O, “Turan tarixi”, “Ovozi Samarkand”, “Zarafchon” (özbək, tacik, rus dillərində) kimi qəzet-jurnalların Folklor İnstitutu ilə əlaqəli yazılar dərc olunmuş saylarını M.Kazımoğlu-İmanova təqdim edib. M.Kazımoğlu-İmanov akademik S.Ociyevə təşəkkür edib, elmi əlaqələrin bundan sonra da davam etdirilməsinin gərəkliyini vurğulayıb. Görüşdə Folklor İnstitutunun “Xarici əlaqələr” bölməsinin müdiri Əli Şamil də iştirak edib.
![](images/IMG_7801.JPG)
|