Folklor İnstitutunun əməkdaşları Qarsda beynəlxalq simpoziumda iştirak ediblər
Sentyabrın 24-25-də Türkiyənin Qars şəhərində “Türk Dünyası Aşıqlıq Sənəti” adlı beynəlxalq simpozium və aşıqlar bayramı keçirilib. İlk olaraq Dünya Qarapapaq Türkləri Birliyinin rəhbəri Seyfullah Türksoy simpoziumu açaraq tədbirin məramı barədə geniş məlumat verib. Türkiyə, Azərbaycan, İran və Gürcüstan aşıqlarının çıxışları maraqla qarşılanıb.
![](images/20.10.2016-14.jpg) Sonra simpoziumun rəsmi hissəsində məruzələrə yer ayrılıb. Folklor İnstitutunun əməkdaşları filologiya üzrə fəlsəfə doktoru, dosent Sönməz Abbaslı “Qarapapaq folklorunda paremioloji vahidlər”, filologiya üzrə fəlsəfə doktoru Tacir Qurbanov “Çıldırlı Alı” mövzusunda məruzələrlə çıxış ediblər. Simpozium çərçivəsində Azərbaycan, İran, Qırğızıstan, Qazaxıstan və Türkiyənin digər bölgələrindən gələn aşıq və müğənnilərin, müxtəlif rəqs qruplarının çıxışları da yer alıb. Folklor İnstitutunun “İrs” folklor ansamblının rəhbəri, əməkdar artist Nuriyyə Hüseynovanın ifasında səslənən “Qalx ayağa, Azərbaycan!” adlı mahnı alqışlarla qarşılanıb. Tədbirdə Aşıq Solmaz Kosayevanın çıxışı da maraqla qarşılanıb.
![](images/20.10.2016-11.jpeg)
![](images/20.10.2016-13.jpg) |