Əməkdaşlarımız “Türkiyə-Gürcüstan Bektaşi Mədəniyyəti və Ozanlar” Beynəlxalq Simpoziumunda
![](images/6.6.2016-3.jpg) 30-31 may 2016-cı il tarixində Gürcüstanın Tiflis şəhərində TIKA (Türk İşbirliyi və Koordinasiya Agentliyi), Hacı Bektaş Vəli Kültür Dərnəyi və Ukrayna-Gürcüstan Beynəlxalq Universitetinin birgə təşkilatçılığı ilə Aşıq Hüseyn Saraclının anadan olmasının 100 illik yubileyinə həsr olunan “Türkiyə-Gürcüstan Bektaşi Mədəniyyəti və Ozanlar” Beynəlxalq Simpoziumu keçirilmişdir. Simpoziumda müxtəlif ölkələrdən ─ Azərbaycan, Türkiyə, İran, Gürcüstan, Rusiya Federasiyasının Dağıstan, Kabartay-Balkar, Qaraçay-Çərkəz Respublikalarından çoxsaylı nümayəndələr iştirak etmişlər. Tədbirdə AMEA Folklor İnstitutunun əməkdaşları – fil.ü.e.d., prof. Mahmud Allahmanlı “Kitabi-Dədə Qorqud”da müqəddimənin mətn informasiyası və poetik sistemi”, fil.ü.f.d. Elxan Məmmədli “Aşıq Xındı Məmmədin (1896-1968) poetik yaradıcılığı”, fil.ü.f.d. Qiymət Məhərrəmli “Aşıq Sakit Köçəri”, fil.ü.f.d., dos. Sönməz Abbaslı “Erməni əlifbası ilə yazıya alınmış türk folklor nümunələrinin araşdırılmasında prof. İsrafil Abbaslının rolu”, Azərbaycan Dövlət Mədəniyyət və İncəsənət Universitetinin müəllimi Afiz Kərimov “Təsəvvüfdə musiqi: “Urfani” havaları haqqında bəzi araşdırmalar” mövzusunda məruzələrlə çıxış etmişlər. Simpoziumun son günü iştirakçılar Aşıq Hüseyn Saraclının doğulduğu kənddə olmuş, aşığa həsr olunmuş təntənəli toplantıya qatılmış və bölgənin gəzməli-görməli yerləri ilə tanış olmuşlar.
![](images/6.6.2016-4.jpg)
![](images/6.6.2016-5.jpg)
![](images/6.6.2016-6.jpg)
|