Aprelin 13-də Yeni Azərbaycan Partiyası Folklor İnstitutu ilk təşkilatının növbəti yığıncağı keçirilib. Tədbirdə Folklor İnstitutu üzrə YAP üzvləri iştirak ediblər.
Tədbiri giriş sözüylə YAP Yasamal rayon təşkilatının sədri Tağı Əhmədov açıb yığıncaq iştirakçılarını salamlayıb.
    Son günlər cəbhə xəttində şəhid olan igid Azərbaycan əsgərlərinin xatirəsi bir dəqiqəlik sükutla yad edilib.
    Tağı Əhmədov bildirib ki, bu gün YAP sıralarına daxil olmaq istəyən 17 nəfər namizədliyini irəli sürüb.

    YAP-ın Folklor İnstitutu üzrə təşkilatının sədri, a.e.i. Nübar Həkimova partiya sıralarına qatılmaq istəyənlər haqqında bilgi verib.
    Sonra çıxış edən YAP Yasamal rayon təşkilatının sədri Tağı Əhmədov çıxışında Azərbaycan ordusunun düşmən üzərində qələbəsinə toxunub, rəşadətli ordumuzun torpaqlarımızı tamamilə düşmən tapdağından azad etmək gücündə olduğunu bildirib.
    O, YAP sıralarına daxil olmaq istəyən 17 nəfərin namizədliyini dəstəklədiyini bildirib, onları ürəkdən təbrik edib.
    Bildirək ki, təsis yığıncağına kimi AMEA Folklor İnstitutunda 20 nəfər YAP üzvü olub. İlk yığıncaqda 35 nəfər YAP sıralarına daxil olub.
Təsis yığıncağında YAP Yasamal rayon təşkilatı sədrinin müavini, akademik Qərib Məmmədov, YAP-ın AMEA üzrə kuratoru, fil.ü.f.d. Xədicə İsgəndərli iştirak edib.
Sonda tədbir iştirakçıları xatirə şəkli çəkdiriblər.