Əziz və hörmətli İsa müəllim!
Sizi Azərbaycan Milli Elmlər Akademiyasının prezidenti kimi məsul və nüfuzlu bir vəzifəyə seçilməyiniz münasibətilə öz adımdan və rəhbərlik etdiyim Folklor İnstitutunun kollektivi adından səmimi-qəlbdən təbrik edirəm. Azərbaycan Milli Elmlər Akademiyasına rəhbərliyin Sizə həvalə edilməsi respublikamızın bütün elm adamları kimi bizdə də dərin məmnunluq hissi yaratdı və elmimizin gələcəyinə olan inam hissimizi gücləndirdi. İnanırıq ki, Sizin intellektiniz, tükənməz enerjiniz, təşəbbüskarlığınız və böyük idarəçilik təcrübəniz Azərbaycan elminin nüfuzunun bərpa olunmasına və layiq olduğu mövqeyə yüksəlməsinə öz töhfəsini verəcəkdir. Sizi bir daha təbrik edir, yeni işinizdə uğurlar və can sağlığı arzu edirəm.
Hörmətlə,
akademik Muxtar İmanov |