Azərbaycanlı alim Antalyada "I Beynəlxalq Cinayət Tədqiqatları Simpozyumu"nda iştirak edib

Türkiyə Cümhuriyyətinin Antalya şəhərində 21-23 oktyabr 2022-ci il tarixləri arasında Türkiyə Polis Akademiyası, Türkiyə Təhlükəsizlik Elmləri İnstitutu və Türkiyə Cinayət Araşdırmaları və Kriminologiya Araşdırma Mərkəzinin təşkilatçılığı ilə “I Beynəlxalq Cinayət Tədqiqatları Simpoziumu” (“I Uluslararası Suç Araştırmaları Sempozyumu”) təşkil edilmişdir. Bu tədbir son illərdə Tükiyədə keçirilən ən böyük təbirlərindən biri olub, öz beynəlxalq əzəməti baxımından fərqlənirdi.
Sözügedən simpoziumda: Türkiyə Daxili işlər nazirinin müavini İsmail Çatakli, Antalya valisi Ersin Yazıcı, Polis Akademiyasının rektoru Prof. Dr. Yılmaz Çolak, Samsun Təhlükəsizlik Müdiri Ömer Urhal, Konya Təhlükəsizlik Müdiri Engin Dinç, Antalya Təhlükəsizlik Müdiri Orhan Çevik, Antalya Jandarma Komandanı, Briqada Generalı Tarık Hekimoğlu, Karaman Təhlükəsizlik Müdiri Ayhan Taş, Sinop Təhlükəsizlik Müdiri Tarıkhan Çetiner, Polis Rəisləri Tədris Mərkəzinin müdiri Prof. Dr. Orçun İmga, Türkiyə Polis Baş Müfəttişi Orhan Secgin və başqa yüksək çinli nümayəndələr Sempozymda iştirak edirdilər.

“I Beynəlxalq Cinayət Tədqiqatları Simpozimu”nun işinə eləcə də Beynəlxalq Cinayət Polisi İdarəsindən- İnterpol Təşkilatından, Türkiyə Cümhuriyyətinin Daxili İşlər Nazirliyi, Ədliyyə Nazirliyi, Ailə və Sosial Xidmətlər Nazirliyi, Milli Təhsil Nazirliyi, Xəzinə və Maliyyə Nazirliyindən, Mərkəzi Təhlükəsizlik Baş İdarəsi, Jandarma Baş Komandanlığı, Sahil Mühafizəsi Komandanlığı, Jandarma və Sahil Təhlükəsizlik Akademiyası, Türkiyə İnsan Hüquqları və Bərabərlik Təşkilatı, Türkiyə Polis Peşə Yüksekokulu və Polis Peşə Təhsil Mərkəzinin müdirləri və yüksək rütbəli şəxsləri də qatılmışdılar. Bu nüfuzlu Beynəlxalq tədbirə Türkiyədən və eləcə də bir çox xarici ölkələrdən: Almaniya, Rumıniya, Niderland Krallığından, Makedoniya, Polşa, Moldova, Braziliya, Hindistan, Əlcəzair və başqa xaricdən ölkələrdən də elm adamları, kriminalistlər, hüquqşünaslar da qatılmışdılar. Semozyuma maraq çox böyük olmuşdur. Belə ki, Sempozyumda iştirak və çıxış etmək üçün dünyanın 15-dən çox ölkəsindən, eləcə Türkiyədən 450-yə yaxın məruzə göndərilmişdi. Bunların içərisindən cəmi 43 məruzə seçilərək “I Beynəlxalq Cinayət Tədqiqatları Sempozyumu”nun proqramına salınmışdı. Bu Beynəlxalq Simpozyumda Azərbaycan Respublikasını 1 nəfər- AMEA Folklor İnstitutunun elmi əməkdaşı, fil.ü. f. d., dosent Tahir Orucov təmsil edirdi. T. Orucov Beynəlxalq Sempozyumun 4-cü oturumunda -"Farklı Ülkelerden Uyğulama Örnekleri" bölümündə "Almaniyada Çuç Soruşturma Sistemi: Suçların Açılması ve Soruşturulması" mövzusunda məruzə ilə çıxış etmiş, Türkiyə Polis Akademiyasının Rektoru Yılmaz Çolağın imzası ilə Təşəkkür Bəlgəsi almışdır. “I Beynəlxalq Cinayət Tədqiqatları Simpozyumu” (“l Uluslararası Suç Araştırmaları Sempozyumu”) oktyabrın 23-də öz işini uğurla başa vurmuşdur.