AMEA Folklor İnstitutunun Mifologiya şöbəsinin aparıcı elmi işçisi, filologiya üzrə fəlsəfə doktoru Elçin Qaliboğlu Aztv-nin Mədəniyyət kanalının "Səhər çağı" verilişinə müsahibə verib. Müsahibədə türk mifoloji düşüncəsində at obrazı haqqında danışılıb. Vurğulanıb ki, türk təbiəti ta qədimdən fitrətən mənalandıra bilib. Həyatı, təbiəti duyumuyla daxili aləmi arasında birlik yaradıb. Türk mifoloji düşüncəsində ata yaradıcı, güvənli münasibətin kökündə duran onun əcdadın həyatının bütün sahələrində, başlıcası, savaşlarda etibarlı köməkçi olması ilə bağlı idi. At - əcdad üçün bu mənada hər şey demək idi. At zərif olduğu dərəcədə güclüdür. Müsahibə zamanı təkcə folklorda deyil, eyni zamanda dünya ədəbiyyatında da at obrazı məsələsinə toxunulub. Qarabağ atlarının özünəməxsus keyfiyyətləri haqqında danışılıb. Habelə, bu torpaqların əzəli, əbədi sakinləri olduğumuz vurğulanıb.