Köhnə kişilərin yolunu-əqidəsini ləyaqətlə davam etdirən Elçin Qaliboğlu 50 yaşın belini elə köhnə kişilər sayağı ləngərlə yerə vurdu. Dayanıb o zirvədə, qürurla, əzəmətlə insanlara boylanır. O zirvədən baxır, görsün ki, kim kimdir.

O, elcanlı, dostcanlı, ulu türk ruhunun daşıyıcısı olan gözəl ailə başçısıdır.
İstər şəxsi həyatında, istərsə də ictimai həyatda olsun, həmişə özünün türkçülük ruhunu və bundan irəli gələn haqsevərliyini, insanpərvərliyini ləyaqətlə, əzəmətlə qoruyub. Doğulduğu yurda, torpağa nə qədər sıx bağlıdırsa, o qədər də böyük vətənə- Azərbaycana, bütöv türk dünyasına bağlıdır Elçin Qaliboğlu.

50 yaşı insanın kimliyinin özünütəsdiq pasportu aldığı çağ adlandırardım. Xalq bu dövrə "50 oldun bəlli oldun" deyir. Adın sanın artıq hamıya bəllidir, özünün sabitləşmiş kişilik xarakterinlə, sözübütövlüyünlə, Elçin müəllim. Ləyaqətin simvolunu öz simasinda təcəssüm etdirən Elçin Qaliboğlunu əlamətdar yubileyi münasibətilə səmimi qəlbdən təbrik edir, cansağlığı və uğurlar arzulayırıq.

Şakir Albalıyev
AMEA Folklor İnstitutunun Mifologiya şöbəsinin aparıcı elmi işçisi, filologiya üzrə fəlsəfə doktoru, dosent