ALBALIYEV ŞAKİR ƏLİF OĞLU
1969-cu il, 25 apreldə Cəbrayıl rayonunun Dağtumas kəndində anadan olub. 1976-1986-cı illərdə orta məktəbdə təhsil alıb. 1987-1989-cu illərdə Qazaxıstan SSR Ağtəpə vilayətinin Emba – 5 şəhərində Sovet Ordusunda qulluq edib. Həmin vaxt “Boyevoye znamya” qəzetindəhərbi müxbir işləyib, yazıları rus, qazax, özbək, tacik, kumuk və b. dillərdə yayımlanıb.
1989-1995-ci illərdə BDU-nun filologiya fakültəsində təhsil alıb. 1990-cı ildən Cəbrayıl rayonunun Dağtumas kənd orta məktəbində, 1993-2004-cü illərdə isə Saatlı rayonunun Azadkənd kənd orta məktəbində Azərbaycan dili və ədəbiyyat müəllimi işləyib.
1992-ci ildə Azərbaycan torpaqlarının bütövlüyü uğrunda gedən qanlı döyüşlərdə fədakarcasına iştirak edib, məğlubiyyət acısı ilə barışmaq istəmədiyindən son anadək mübarizə aparmış, bir neçədəfə mühasirə vəziyyətinə düşsə də hiyləgər düşmənlərin pəncəsinə əsir düşmüşdür. Lakin yenə də döyüşçü fəndgirliyi sayəsində düşmənləri aldadaraq yenidən əsirlik əzabından qurtula bilmişdir.
2004-cü ildə AMEA-nın Folklor İnstitutunun mifologiya şöbəsində elmi işçi vəzifəsində işləyib. Hazırda yenə orada böyük elmi işçi vəzifəsində çalışır. 2006-cı ildə “Azərbaycan məişət nağıllarında şah obrazı” mövzusunda namizədlik dissertasiyası müdafiə edib, filologiya elmləri namizədi alimlik dərəcəsi alıb. “Azərbaycan məişət nağıllarında şah obrazı” və “Sədnik Paşa Pirsultanlı poeziyasına bir baxış” adlı kitabların müəllifidir.
Cəbrayıl rayon İcra Hakimiyyətinin orqanı olan “Xudafərin” qəzetinin baş redaktorudur.
Şeirləri “Ulduz” jurnalında, almanaxlarda və bir sıra mətbu orqanlarda çap olunur. |