"Azərbaycan mərasim mədəniyyətində yaşmaq və yaşmaqlanmaq" mövzusunda onlayn elmi seminar keçirilib
![](images/31.3.2021.jpg)
29 mart 2021-ci il tarixində AMEA Folklor İnstitutunun Mərasim folkloru şöbəsində Azərbaycan mərasim folklorunun problemlərinə həsr olunmuş " Azərbaycan mərasim mədəniyyətində yaşmaq və yaşmaqlanmaq" mövzusunda onlayn elmi seminar keçirilib. Seminarda şöbə müdiri, fil.ü.f.d.,dos.Ağaverdi Xəlil ənənəvi xalq mərasimlərində yaşmaqlanma haqqında yazılı və şifahi qaynaqlardakı məlumatları diqqətə çatdırıb. Yaşmağın fiziki və mənəvi funksiyalarından danışıb. Fil.ü.f.d. Atəş Əhmədli qadınların infeksiyadan qorunmasında ənənəvi üsullar mövzusunda çıxış edib. Fil.ü.f.d.,dos. Qalib Sayılov isə islam əxlaqı və islami geyim formalarından danışıb və bu kontekstdə örtünmənin qoruyuculuq funksiyasını yerinə yetirməsi ilə bağlı ətraflı çıxış edib. Şöbə əməkdaşları mövzu ətrafında müzakirələr aparıblar. |