ƏMƏKDAŞLARIMIZ İSTANBULDA BEYNƏLXALQ KONFRANSDA
27-29 iyun tarixlərində Türkiyənin İstanbul şəhərində Medipol Universitetinin təşkilatçılığı ilə “II Beynəlxalq Dil, Təhsil və Mədəniyyət konfransı” keçirilmişdir. Dünyanın müxtəlif ölkələrindən çoxsaylı nümayəndələrin qatıldığı konfransda Azərbaycandan elm adamları iştirak etmişdir. AMEA Folklor İnstitutunun əməkdaşları fil.ü.f.d., dos. Sönməz Abbaslı “Qarabağ folklorunda ilkin janrların formalaşmasına dair bəzi qeydlər”, fil.ü.f.d., dos. Tacir Qurbanov “Ağbaba qımqımıları”, fil.ü.f.d., dos. İlhamə Qəsəbova “Aşıq Cəlalın yaradıcılığında klassik poetik ənənə”, fil.ü.f.d. Gülsümxanım Hasilova “Azərbaycan nəsrində xalq deyimləri” və sən.ü.f.d. Bənövşə Rzayeva “Qədim Naxçıvan diyarında folklor və Novruz ənənələri” mövzusunda məruzələrlə çıxış etmişlər. Sonda iştirakçılara sertifikat və müxtəlif nominasiyalarda ödüllər tədqim olunmuşdur.
|