“Ortaq türk keçmişindən ortaq türk gələcəyinə"
VII Uluslararası folklor Simpoziumu
![](images/3.12.2011-2.JPG) «Türk nağılları: dil, mədəniyyət və dəyərlər» AMEA Folklor İnstitutunun ənənəvi «Ortaq Türk keçmişindən ortaq Türk gələcəyinə» simpoziumu bu il Bakıdan üç min km. uzaqda — Quzey Kıbrıs Türk Cümhuriyyətinin Qazımağusa şəhərindəki Doğu Akdeniz Üniversitesinin Mavi Salonunda keçirilmişdir. Folklorşünaslığımızın müxtəlif problemlərinə həsr edilmiş altı simpozium Bakı şəhərində keçirilmişdir. «Türk nağılları: dil, mədəniyyət və dəyərlər» mövzusuna həsr olunmuş yeddinci toplantının KKTC-də keçirilməsi heç də təsadüfi deyildir. Xarici ölkələrin elmi müəssiəsələri ilə əməkdaşlıqda təcrübəsi olan İnstitutumuz 2009-cu ildə Türkiyənin Bolu şəhərində A. Baysal Universiteti və Özbəkistan Elmlər Akademiyasının Nəvai ad. Ədəbiyyat İnstitutu ilə birlikdə keçirilən sempoziumun da təşəbbüsçüsü olmuşdur. Bu dəfə isə ilk təcrübə olaraq AMEA Folklor İnstitutu özünün ənənəvi «Ortaq Türk keçmişindən ortaq Türk gələcəyinə» simpoziumunu xarici ölkədə keçirilmişdir.
2011-ci il dekabrın 1-3-də AMEA Folklor İnstitutu ilə Doğu Akdeniz Universitetinin birgə keçirdiyi VII Uluslararası «Ortaq Türk keçmişindən ortaq Türk gələcəyinə» simpoziumuna elm adamları ilə yanaşı, ictimai-siyasi xadimlər də qatılmışlar.
Simpozium sayğı duruşu və milli marşlarla açılmışdır. Simpoziumun plenar iclasında AMEA Folklor İnstitutunun direktoru, filologiya üzrə elmlər doktoru Muxtar Kazım oğlu İmanov çıxış edərək, folklorun türk xalqlarının mədəniyyətində rolundan, dünya sivilizasiyasında əhəmiyyətindən və xalqlarımızın bir-birinə yaxınlaşmasındakı yerindən danışmışdır. Simpoziumda xarici ölkələrin alimləri ilə yanaşı, AMEA Dilçilik İnstitutunun, Bakı Dövlət Universitetinin, Azərbaycan Dövlət Nəşriyyatının və b. təşkilatların əməkdaşları da iştirak etmişdir. AMEA Folklor İnstitutundan isə VII Uluslararası «Ortaq Türk keçmişindən ortaq Türk gələcəyinə» simpoziumunda filologiya üzrə elmlər doktoru Muxtar Kazım oğlu İmanovun (“Nağıllarda yalançı qəhrəman”), filologiya üzrə fəlsəfə doktoru Adil Cəmilin (“Türk mədəniyyətini və dəyərlərini yaşadan nağıllar”), filologiya üzrə fəlsəfə doktoru Ləman Süleymanovanın (“Azərbaycan nağıllarında Naxış” obrazı), türk xalqlarının folkloru şöbəsinin əməkdaşları Vəfa İsgəndərovanın (“Azərbaycan və Türkiyə nağıllarının geleneksəl förmülləri”), Nailə Əbilovanın (“Bahadırlıq nağıllarında qəhrəman və sehrli güclər”) və Folklor laboratoriyasının elmi işçisi Nizami Məmmədovun (“Azərbaycan xalq şairi Məmməd Arazın əsərlərində nağıl motivləri”) maraqlı məruzələri dinlənilmişdir.
Simpoziumun məqsədi türk xalqları arasındakı tarixi əlaqələri bir daha nümayiş etdirmək, Avrasiyada baş verən hadisələrin mədəniyyətimizdəki və folklorumuzdakı təsirini elmi baxımdan araşdırmaq, bu araşdırmaların nəticəsində əldə edilən yeni bilgi, yorum və nəticələri türk və dünya alimlərinin nəzərinə çatdırmaqdır.
![](images/3.12.2011-1.JPG) ![](images/3.12.2011-3.JPG) |