AMEA Nizami adına Ədəbiyyat İnstitutu
AMEA Folklor İnstitutu
Azərbaycan Xalq Cümhuriyyətinin 100 illik yubileyinə həsr olunmuş
“FOLKLOR VƏ DÖVLƏTÇİLİK”
mövzusunda III Respublika Elmi Konfransı
(Bakı şəhəri, 13 noyabr 2018-ci il)
Azərbaycan Respublikasının Prezidenti cənab İlham Əliyev 16 may 2017-ci il tarixində Azərbaycan Xalq Cümhuriyyətinin yaranmasının 100 illik yubileyinin dövlət səviyyəsində qeyd edilməsi haqqında sərəncam imzalamışdır.
Müsəlman Şərqində ilk parlametli respublika olan Azərbaycan Xalq Cümhuriyyətinin yaranması xalqımızın yaşı minilliklərlə ölçülən dövlətçilik tarixində yeni mərhələnin – demokratik respublika mərhələsinin başlanğıcı olmuşdur.
Milli dövlətçilik ideyalarının, sabit milli-mənəvi dəyərlərin təzahür etdiyi və qorunduğu folklor da xalqın tarixi dövlətçilik ənənələrini müxtəlif obraz, süjet və motivlərdə yaşatmaqla müstəqil dövlətin yaranması üçün zəruri mənəvi əsasların formalaşmasında mühüm rol oynamışdır.
AMEA-nın Nizami adına Ədəbiyyat İnstitutu və Folklor İnstitutu birlikdə folklorda dövlətçilik ənənələrinin təzahürü, folklorda milli dövlətçilik etiketləri, milli bayramlar, folklorda etnosun total davranış formulu və özünütəşkiletmə modelləri, folklor və qanunvericilik və s. məsələlərin müzakirəsi ilə bağlı “Folklor və dövlətçilik” mövzusunda III Respublika Elmi Konfransı keçirməyi planlaşdırmışdır.
Arzu edənləri folklor və dövlətçilik mövzusunda məruzələrlə k onfransın işində iştiraka dəvət edirik.
KONFRANSIN TƏŞKİLAT KOMİTƏSİ
Sədarət:
Akad. İsa Həbibbəyli – AMEA-nın vitse-prezidenti, Nizami Gəncəvi adına Ədəbiyyat İnstitutunun direktoru
Akad. Teymur Kərimli – AMEA Humanitar Elmlər Bölməsinin akademik-katibi, Məhəmməd Füzuli adına Əlyazmalar İnstitutunun direktoru
Akad. Muxtar İmanov – AMEA Folklor İnstitutunun direktoru
Elmi heyət:
AMEA-nın müxbir üzvü, prof. Kamran Əliyev - AMEA Folklor İnstitutunun şöbə müdiri
AMEA-nın müxbir üzvü, prof. Nüşabə Araslı - AMEA Nizami Gəncəvi adına Ədəbiyyat İnstitutunun şöbə müdiri
Fil.ü.e.d., prof. Məmməd Əliyev - AMEA Nizami Gəncəvi adına Ədəbiyyat İnstitutu
Fil.ü.e.d., prof . Məhərrəm Qasımlı - AMEA Nizami Gəncəvi adına Ədəbiyyat İnstitutunun şöbə müdiri
Fil.ü.e.d., prof. Tahirə Məmməd - AMEA Nizami Gəncəvi adına Ədəbiyyat İnstitutunun şöbə müdiri
Fil.ü.e.d., prof. Füzuli Bayat - AMEA Folklor İnstitutunun şöbə müdiri
Fil.ü.e.d. Ramazan Qafarlı - AMEA Folklor İnstitutunun şöbə müdiri
Fil.ü.e.d. Seyfəddin Rzasoy - AMEA Folklor İnstitutunun şöbə müdiri
Sən.ü.e.d., prof. Nailə Rəhimbəyli - AMEA Folklor İnstitutunun şöbə müdiri
Fil.ü.e.d. Əfzələddin Əsgər - AMEA Folklor İnstitutunun şöbə müdiri
Fil.ü.e.d. İslam Sadıq - AMEA Folklor İnstitutunun aparıcı elmi işçisi
Fil.ü.f.d. Elxan Məmmədli - AMEA Folklor İnstitutunun şöbə müdiri
Fil.ü.f.d., dos. Ağaverdi Xəlil - AMEA Folklor İnstitutunun şöbə müdiri
Fil.ü.f.d., dos. İlkin Rüstəmzadə - AMEA Folklor İnstitutunun şöbə müdiri
Fil.ü.f.d., dos. Elçin Abbasov - AMEA Folklor İnstitutunun elmi katibi
Fil.ü.f.d., dos. Afaq Ramazanova - AMEA Folklor İnstitutunun şöbə müdiri
Fil.ü.f.d., dos. Rza Xəlilov - AMEA Folklor İnstitutunun şöbə müdiri
Əli Şamil - AMEA Folklor İnstitutu direktorunun xarici əlaqələr üzrə müşaviri
Fil.ü.f.d., dos. Fidan Qasımova - AMEA Folklor İnstitutunun aparıcı elmi işçisi
Katiblik:
Gülnar Osmanova – AMEA Folklor İnstitutunun böyük elmi işçisi
Nigar İmaməliyeva – AMEA Folklor İnstitutunun böyük laborantı
MÜHÜM TARİXLƏR:
• Konfransda iştirak etmək istəyənlər məruzə özətlərini 20 iyun 2018-ci il tarixinədək [email protected] elektron poçt ünvanına göndərə bilərlər.
• Özətlərin qəbul edilib-edilmədiyi haqqında müəlliflərə 27 iyun 2018-ci il tarixinədək elektron poçt ünvanı vasitəsi ilə məlumat veriləcəkdir.
• Konfrans 13 noyabr 2018-ci il tarixində AMEA-nın əsas binasında (H.Cavid pr., 115) saat 14:00-da gerçəkləşdiriləcəkdir.
• Məruzələrin tam mətni konfrans gününə qədər təqdim edilməlidir.
MƏRUZƏLƏRİN YAZI QAYDALARI:
• Özətlər 150-200 sözdən ibarət olmalıdır.
• Özət və məqalələr e-mail ilə göndərilməlidir.
• Məqalələr kitabda nəşr ediləcək. Kitab konfrans iştirakçılarına pulsuz paylanacaq.
• Yazı: Microsoft Office Word, Kağız: A4.
• Səhifə qaydası: Üst: 2,5, Alt: 2,5, Sağ: 2,5, Sol: 2,5
• Yazı puntu: Başlıq 12 şrift ölçüdə, yağlı.
• Məruzə: 12 şrift ölçüdə.
• İnterval: 1,5.
• İstifadə edilmiş ədəbiyyat siyahısı məruzənin sonunda “Qaynaqlar” yarımbaşlığı altında yazılmalıdır. Ədəbiyyat siyahısı müəlliflərin soyadlarına uyğun olaraq əlifba sırası ilə düzülməli, sıra nömrəsi göstərilməlidir. Məruzədə istifadə edilməyən ədəbiyyat qaynaqlarda göstərilməməlidir. Əgər məruzəçi arxiv sənədlərindən, dissertasiyalardan, əlyazma hüququnda olan materiallardan istifadə etmişsə, onlar da “Qaynaqlarda” göstərilən qaydada yazılmalıdır. “Qaynaqlar”dan sonra üç dildə (Azərbaycan, rus, ingilis) xülasə və açar sözlər verilməlidir.
• Konfrans haqqında məlumatı və anket formasını www.folklor.az səhifəsindən əldə etmək olar.
• Konfransda iştirak etməyənlərin məruzələri çap olunmayacaqdır.
• Məruzədə ətək yazısı (snoska) olduqda internet saytında yerləşdirilərkən problemlər yaradır. Buna görə də ətək yazısı (snoska) ilə olan məruzələr qəbul edilmir. Məruzə daxilində qaynaqlar kodlaşdırılmış qayda ilə verilməlidir.
• Hər bir məruzəçi üçün maksimum 20 dəqiqə vaxt ayrılacaqdır. Bölmə iclaslarının sonunda müzakirələr keçiriləcəkdir.
• Elektron poçt ünvanı ilə göndərilməyən və elanda göstərilmiş qaydalar əsasında təqdim edilməyən məruzələr qəbul edilməyəcəkdir.
• Konfransda iştirak etmək üçün ödəniş tələb edilmir.
• Konfransda iştirak etmək istəyənlərin yol və otel xərcləri özlərinə aiddir.
ÖZƏT FORMASI
|
