AZƏRBAYCAN MİLLİ ELMLƏR AKADEMİYASI
FOLKLOR İNSTİTUTU
KKTC DOĞU AKDENİZ UNİVERSİTESİ
«ORTAQ TÜRK KEÇMİŞİNDƏN ORTAQ TÜRK GƏLƏCƏYİNƏ»
VII ULUSLARARASI FOLKLOR KONFRANSI
Qazimağusa – KKTC, dekabr 2011-ci il
Azərbaycan Milli Elmlər Akademiyası Folklor İnstitutunun 2003-cü ildən ardıcıl olaraq düzənlədiyi «Ortaq türk keçmişindən ortaq türk gələcəyinə» Uluslararası Folklor Konfransının altıncısı Bakı şəhərində 2010-cu ildə KKTC Doğu Akdeniz Universiteti ilə birgə keçirilmişdir. Türk dünyasının sözügedən iki elm qurumu artıq bir ənənə halını almış bu konfransın yeddincisini 2011-ci ildə KKTC Qazimağusa şəhərində keçirilməsini qərara almışdır. Konfransın məqsədi türk xalqları arasındakı tarixi əlaqələri bir daha nümayiş etdirmək, Avrasiyada baş verən hadisələrin mədəniyyətimizdəki və folklorumuzdakı təsirini elmi baxımdan araşdırmaq, bu araşdırmaların nəticəsində əldə edilən yeni bilgi, yorum və nəticələri türk və dünya alimlərinin nəzərinə çatdırmaqdır.
Konfransa Türk xalqlarının folkloru və folklorşünaslığın aktual problemlərini araşdıran mütəxəssislər, ümumiyyətlə, Türk xalqlarının dili və folkloru ilə məşğul olan tədqiqatçılar qatıla bilər.
Bu il konfransın mövzusu «Türk nağılları: dil, mədəniyyət və dəyərlər» kimi müəyyənləşdirilmişdir. Konfransa təqdim olunacaq materiallar aşağıdakı yarımbaşlıqlara uyğun olmalıdır:
1. Türk mədəniyyətini və dəyərlərini özündə yaşadan nağıllar
2. Türk nağıllarının dil özəllikləri
3. Türk nağıllarının qonşu xalqlara təsiri
4. Yazılı ədəbiyyata Türk nağıllarının təsiri
5. Türk dili və Türk mədəniyyəti
Konfransda iştirak etməyi arzu edənlər qatılım formasını dolduraraq məruzənin tezisləri ilə birlikdə 01 oktyabr 2011-ci il tarixinə qədər Konfransın təşkilat komitəsinə təqdim etməlidirlər.
Konfransın təşkilat komitəsi
KKTS Doğu Akdeniz Universiteti
AMEA Folklor İnstitutu
Qaydalar
1. Qatılım Formu doldurularaq 1 oktyabr 2011-ci il tarixinə qədər tezislə bir yerdə Təşkilat komitəsinə göndərilməlidir. Məruzənin tam mətni isə 15 noyabr 2011-ci il tarixinə qədər göndərilməlidir.
2. Göndərilən tezislər dəyərləndirmə heyəti tərəfindən dəyərləndiri-lərək müəllifə məlumat veriləcəkdir.
3. Konfransa göndəriləcək tezislər A4 formatında 2 səhifə, məruzələr isə 15 səhifəni keçməmək şərti ilə Word proqramında Times New Roman şrifti 14 punto ilə yazılmalıdır. Bu qaydalara uyğun olmayan yazılar qəbul edilməyəcəkdir.
4. Dəyərləndirmədən keçməyən materiallar geri qaytarılmayacaqdır.
5. Məruzə və tezislər Türkiyə türkcəsi, Azərbaycan, ingilis və rusca yazıla bilər.
6. Qatılım formunu və materialları [email protected] ünvanına göndərmək lazımdır.
7. Konfrans barədə məlumatı və qatılım formunu http://turcologysymposium.org/?bolum=anasayfa və www.folklorinstitutu. com səhifələrindən əldə edə bilərsiniz.
Qatılım Formu
Elektron poçtu ( e-mail ) |
|
Qısa tərcümeyi - hal, ən mühüm əsərlərinizin siyahısı, nəşr ili, yeri (500 işarəni keçməmək şərti ilə )
|
|
|