AMEA Folklor İnstitutunun əməkdaşları Beynəlxalq qurultayda iştirak ediblər

AMEA Folklor İnstitutunun əməkdaşları Beynəlxalq qurultayda iştirak ediblər. Folklor İnstitutunun Mifologiya Şöbəsinin müdiri f.e.n. S.Rzasoy və şöbənin əməkdaşı f.e.d. R.Qafarlı Türkiyədə Fəthiyə Bələdiyyəsi və Xalq Kültürü Araşdırmaları Qurumunun təşkil etdiyi Uluslararası Türk Kültürü Qurltayında məruzə ilə çıxış etmişlər.
On altı ayrı-ayrı ölkələrdən gələn alimlərin iştirakı ilə keçirilən beynəlxalq konfrans Türk dünyasının ortaq bayramı olan Novruz bayramına həsr olunmuşdu.
Qurultay 21-22 mart tarixlərində keçirilib. Qurultayda Azərbaycan, Bolqarıstan, Türkmənistan, Özbəkistan, Qırğızıstan, Qazaxıstan, Tatarıstan, KKTC, Yunanıstan, Ukrayna, Rumınya, İraq, Qaraçay-Balkar, Çuvaşiya, Uyğur, Noqay, Kosova, Sibir kimi dövlət və muxtar respublikalardan olan tədqiqatçı və alimlər məruzələrlə çıxış etmişlər.
Mifologiya Şöbəsinin müdiri f.e.n. S.Rzasoy qurultayın ikinci günü “Novruz bayramının mifoloji, dini və fəlsəfi özəllikləri” məruzəsi ilə çıxış etmişdir.
Mifologiya şöbənin əməkdaşı f.e.d. R.Qafarlı “Bahar önü ilaxır çərşənbələr və Novruz bayramının mifoloji qaynaqları” adlı məruzəni qurultay iştiarkçılarının nəzərinə çatdırmışdır. Hər iki məruzə qurultay iştirakçıları tərəfindən maraqla qrşılanmış və məruzələr ətrafında müzakirələr aparılmışdır.

AMEA Folklor İnstitutunun Mətbuat Katibi Hikmət Quliyev