Folkor İnstitutunun əməkdaşı Türkiyədə keçirilən V Beynəlxalq “Hacı Bektaş Vəli. Aşura Günü” tədbirlərində iştirak edib

Folkor İnstitutunun Müasir folklor şöbəsinin müdiri, fil.ü.e.d. Füzuli Bayat (Gözəlov) 27-30 oktyabr 2015-ci il tarixində Türkiyədə keçirilən V Beynəlxalq “Hacı Bektaş Vəli. Aşura Günü” tədbirlərində iştirak edib. Füzuli Bayat Hacı Bektaş Vəli Kültür Dərnəyinin düzənlədiyi bu konqresdə “Azərbaycanda Məhərrəmlik ritualları” mövzusunda məruzə etmişdir.
Türkiyə ilə yanaşı, Azərbaycan, Gürcüstan, İran İslam Respublikası və RF Tatarıstan Respublikasından çoxsaylı elm və sənət adamlarının qatıldığı konqresi giriş sözü ilə dərnəyin rəhbəri Mustafa Ozcivan açmış, Ələvi-Bəktaşi toplumunun Aşuraya verdiyi dəyər, Aşura ilə bağlı dəyərləndirmələr, Aşura orucu və s. kimi məsələlərdən danışmışdır. Sonra Ələvi-Bəktaşi saz şairlərinin Hz. Məhəmməd, Hz. Əli, Hz. Hüseyn, 12 İmam, Kərbəla, Hz. Fatma haqqında ilahiləri və mərsiyələri dinlənilmişdir.
Aşura günü münasibətilə keçirilən dəyirmi masada Kərbəla faciəsi, Hz. Hüseyn, Aşura orucu haqqında məruzələr dinlənilmiş, fikir mubadiləsi aparılmışdır. F.Bayat öz çıxışında Azərbaycanda dinin dövlətdən ayrı olmasını qeyd edərək, son dönəmlərdə insanların Aşura tədbirlərini yüksək səviyyədə keçirdiyini, ancaq Şəbih xalq teatrının yavaş-yavaş unudulduğunu bildirmişdir. Məhərrəmlik rituallarının sadəcə Ələvi-Bəktaşi dini icması arasında deyil, İranda, Azərbaycanda, Əfqanıstanda, Hindistanın bəzi yerlərində yüksək səviyyədə keçirildiyini nəzərə çatdırmışdır.