12.10.2015
Folklor İnstitutu Lahıcda “Multikulturalizm və Azərbaycan folkloru”
mövzusunda dəyirmi masa keçirdi
![](images/12.10.2015-6.JPG) AMEA Folklor İnstitutu 10 oktyabr 2015-ci il tarixində İsmayıllı rayon İcra Hakimiyyəti, Bakı Beynəlxalq Multikulturalizm Mərkəzi və Azərbaycan Respublikası Mədəniyyət və Turizm Nazirliyinin Mədəniyyətşünaslıq Elmi-Metodiki Mərkəzinin iştirakı ilə İsmayıllı rayonunun Lahıc qəsəbəsində “Multikulturalizm və Azərbaycan folkloru” mövzusunda dəyirmi masa keçirmişdir. Dəyirmi masada İsmayıllı rayonunda məskunlaşan azsaylı xalqların özünəməxsus mədəni dəyərlərinin, adət-ənənələrinin, sənət və peşə sahələrinin qorunması, onların folklorunun toplanıb tədqiq olunması yolları kimi məsələlər müzakirə edilmişdir.
![](images/12.10.2015-7.JPG)
Tədbirdə Folklor İnstitutunun direktoru, AMEA-nın müxbir üzvü Muxtar Kazımoğlu-İmanovun “Multikultural Azərbaycan və folklor”, Mədəniyyətşünaslıq Elmi-Metodiki Mərkəziinin direktoru Asif Usubəliyevin “Mədəniyyətlərarası dialoq və folklor”, Bakı Beynəlxalq Multikulturalizm Mərkəzinin şöbə müdiri Vidadi Rzayevin “Ölkəmizdə multikulturalizm və tolerantlıq”, İsmayıllı rayon İcra Hakimiyyətinin nümayəndəsi Olqa Jabinanın “İvanovka kəndində yaşayan molokanların həyatı, məişəti və folkloru”, Folklor İnstitutunun böyük elmi işçisi Atəş Əhmədlinin “İsmayıllı bəlgəsinin folklorunda multikulturalizm təmayülləri”, Folklor İnstitutunun dissertantı Dadaş Əliyevin “Lahıclar, onların dili, folklor örnəkləri, onların toplanması və öyrənilməsi tarixi” və b. mövzularda məruzələri dinlənilmişdir.
![](images/12.10.2015-8.JPG)
Qərara alınmışdır ki, Lahıcda bölgənin etnik folklorunun toplanılması işinin mərkəzləşmiş qaydada həyata keçirilməsi üçün Folklor İnstitutunun yerli nümayəndəliyi yaradılsın. Tədbirin sonunda Lahıc qəsəbəsinin, eləcə də Mollaisaqlı, Sumağallı, İvanovka kəndlərinin folklor qruplarının çıxışları maraqla qarşılanmışdır.
![](images/12.10.2015-9.JPG)
![](images/12.10.2015-11.JPG)
![](images/12.10.2015-12.JPG)
![](images/12.10.2015-13.JPG)
![](images/12.10.2015-15.JPG)
![](images/12.10.2015-16.JPG)
![](images/12.10.2015-17.JPG)
![](images/12.10.2015-18.JPG) |