Folklor İnstitutunun əməkdaşları “Nasreddin Hoca” Beynəlxalq Simpoziumunda iştirak ediblər

Konya Büyükşehir Belediyesi ve Akşehir Belediyesi Selcuk Universiteti ilə birlikdə 2015-ci il iyulun 4-8-də Türk xalqlarının ortaq mədəni mirası olan Molla Nəsrəddin lətifələrini tədqiqi, təbliği və qorunması məsələləri ilə bağlı “Uluslararası Nasreddin Hoca Simpoziumu” keçirmişdir.

Türkiyənin Konya və Akşehir şəhərlərində keçirilən simpoziumun proqramına 8 ölkədən 55 məruzə daxil edilmişdir. Türkiyədən sonra ən çox Azərbaycan alimlərinin iştirak etdiyi tədbirdə Folklor İnstitutu böyük heyətlə təmsil olunub.

Belə ki, Folklor İnstitutundan "Müasir folklor" şöbəsinin müdiri, professor Füzuli Bayatın “Nasreddin Hoca eleştirel mizahından Sovyet siyasi fıkralarına”, "Xarici əlaqələr bölməsi"nin müdiri Əli Şamilin “Nasreddin Hocanın etkisi ile Müslüm Melekuti hakkında oluşmuş fıkralar”, həmin bölmənin əməkdaşı Aynur Qəzənfərqızının “Nasreddin Hoca fıkraları Kumuk halk yırlarında” mövzusunda məruzələri maraqla qarşılanmışdır. Folklor İnstitutu "Müasir folkor şöbəsi"nin müdiri, professor Füzuli Bayata sempozyumun sonunda, dəyərləndirmə toplantısında da çıxış etmişdir. Onun mövzunu ümümtürk konteksində dəyərləndirməsi yeni bir məruzə təsiri bağışlamışdır.

Simpozium gunlərində rəsmi dövlət adamlarının iştiraki ilə alimlər Nəsrəddin Hoca ilə bağlı lətifə əsasında səhnələşdirilmiş “Gölə maya çalma” mərasimində iştirak etmiş, bölgədə məşhur olan "Yarənnər" xalq tamaşasına baxmış, Cəlaləddin Rumunin movzeleyinə, Nesreddin Hocaya aid olduğu ehtimal edilən məzarı ziyarət etmişlər.