Folklor İnstitutu Elmi Şurasının iclası keçirilib

İyulun 6-da AMEA Folklor İnstitutu Elmi Şurasının növbəti iclası keçirilib. İclası Elmi Şuranın sədri, AMEA-nın müxbir üzvü, fil.ü.e.d. Muxtar İmanov (Kazımoğlu) açaraq gündəlikdəki məsələlər haqqında məlumat verib.
İlk olaraq Folklor İnstitutunun doktoranturaya qəbul və ixtisas minimumu imtahanı proqramı və test-sual bankının hazırlanması barədə AMEA-nın müxbir üzvü, fil.ü.e.d. Muxtar İmanov (Kazımoğlu) məlumat verib. Bu sahədə test-sual bankının hazırlanması ilə bağlı hər şöbənin işi müəyyənləşdirilib.
İnstitut şöbələrinin əsasnamələrinin hazırlanması barədə institutun elmi katibi, fil.ü.f.d. Elçin Abbasov məlumat verib. O, şöbə əsasnaməsi ilə bağlı nümunənin yaradıldığını bildirib.

AMEA-nın müxbir üzvü, fil.ü.e.d. Muxtar İmanov (Kazımoğlu) şöbələrin fəaliyyətinin gücləndirilməsi ilə bağlı fikrini bildirib.
Sonra institutun “Cənubi Azərbaycan” şöbəsinin müdiri vəzifəsinə seçki keçirilib. Elmi Şura üzvləri bu vəzifəyə namizədliyi irəli sürülən fil.f.d. Mətanət Abbasovanın namizədliyinə səs veriblər.
Gündəlikdə duran sonuncu məsələ - İnstitutun “Mifologiya” şöbəsinin elmi işçisi Elçin Qaliboğlunun “Türk yaradılış mifləri və Azərbaycan əfsanələri” mövzusunda məruzəsi dinlənilib. Mövzu ilə bağlı fikir mübadiləsi olub.
AMEA-nın müxbir üzvü, fil.ü.e.d. Muxtar İmanov (Kazımoğlu) Elmi Şurada elmi məruzələrin daimi olmasının gərəkliyini bildirib.
Bununla da Elmi Şuranın iclası başa çatıb.