7.5.2015
Turkiyəli folklorşünas alimlər
AMEA Folklor İnstitutunu ziyarət ediblər
![](images/7.5.2015.jpg)
Türkiyənin Hacettepe Universitetinin professorları Özkul Çobanoğlu, Metin Özarslan, Türkiyənin Azərbaycandakı səfirliyinə bağlı Bakı Türk Anadolu liseyinin müəllimi Hayri Ataş və Yunus Əmrə İnstitutunun direktoru Əli Cura 2015-ci il mayın 7-də AMEA Folklor İnstitutunu ziyarət edib.
Qonaqları AMEA Folklor İnstitutu direktorunun Xarici əlaqələr üzrə müşaviri Əli Şamil qəbul edib. Tərəflər görüş zamanı qarşılıqlı əməkdaşlıq və birgə fəaliyyət haqqında razılığa gəliblər.
Qeyd edək ki, folklorşünas Prof.Dr. Metin Özarslan Ərzurum bölgəsi aşıq yaradıcılığı, xalq rəqsləri, bayatıları haqqında araşdırmalar və kitabların sahibidir. Folklora aid müxtəlif mövzuda iki yüzə yaxın məqalə, məruzə sahibi Prof.Dr. Özkul Çobanoğlu isə Türk dünyası mifologiyasını, inanc sistemini araşdırır. Professorun son çalışmalarından biri də çapa hazırladığı ailə folkloru haqqında kitabdır. Xatırladaq ki, bu mövzuda bu günədək araşdırma aparılmamışdır.