23.2.2015
Yaponiyalı alim Xocalı soyqırımı haqqında danışacaq
![](images/yapon.jpg) AMEA Folklor İnstitutu ilə sıx əməkdaşlıq edən yaponiyalı qafqazşünas alim Keisuke Vakizaka martın 26-da saat 11-də “Xocalı soyqırımı nə üçün 2008-ci ildə gündəmə gəlib? Azərbaycan-Ermənistan-Rusiya-Türkiyə əlaqələri üzərinə bir qiymətləndirmə” mövzusunda məruzə ilə çıxış edəcək. Onun Folklor İnstitutunun sifarişi ilə hazırlanmış bu məruzəsi Skype ilə birbaşa canlı translyasiya ilə göndəriləcək və İnstitiutun əməkdaşları məruzəni dinlədikdən sonra müəllifə sual vermək imkanı əldə edəcəklər.
Xatırladaq ki, yaponiyalı alimin Xocalı soyqırımına maraq göstərməsi heç də təsadüfi deyil. O, “1864-cü il Qafqaz köçü: savaş və sürgün”, “Türkiyədki Qafqaz topluluqları və dəyişən Qafqaz”, “Gürcüstanda Azərbaycan türklərinin Kvemo-Kartli (Borçalı)ya inteqrasiyasının bugünkü durumu. Qardabani ərazisinin örnəyində”, “Orta Asiyada dövlət inşası və dövlət-diaspora münasibətləri: qazaxlar və özbəklər”, "1988-ci il Ermənistandan azərbaycanlıların sürgününün Ermənistanın ictimai və iqtisadi quruluşuna təsiri" və "Ermənistanın dövlət quruculuğunda Qarabağ məsələsinin yeri" kimi əsərlərin müəllifidir.
|