“Folklor və yazılı ədəbiyyat” (I kitab) işıq üzü görüb

AMEA Folkor İnstitutunda “Folklor və yazılı ədəbiyyat” (I kitab) çap olunub. Kitabın elmi redaktoru AMEA Folklor İnstitunun direktoru, AMEA-nın müxbir üzvü Muxtar Kazımoğlu (İmanov), tərtibçilər fil.ü.e.d., prof. Kamran Əliyev, fil.ü.f.d. Fidan Qasımovadır.
Kitabdakı məqalələr AMEA Folklor İnstitutunun “Folklor və yazılı ədəbiyyat” şöbəsində prof. Kamran Əliyevin rəhbərliyi ilə hazırlanıb.
Kitabda prof. Kamran Əliyevin “Məhəbbət faciəsi: faciə və dastan”, fil.ü.f.d. İslam Sadığın ““Koroğlu” dastanının Azərbaycan şeirinə poetik təsiri”, fil.ü.f.d. Fidan Qasımovanın “Folklor və klassik ədəbiyyat”, fil.ü.f.d. Xəyalə Orucqızının “Prof. Paşa Əfəndiyev folklor və yazılı ədəbiyyat haqqında”, fil.ü.f.d. Aynur İbrahimovanın “Səməd Vurğunun “Vaqif” dramında epik ənənələr”, fil.ü.f.d. Nizami Muradoğlunun “Əhməd Cavad poeziyası və folklor”, Gülnar Osmanovanın “Çağdaş Azərbaycan nəsrində mifoloji obrazlar”, Gülsümxanım Hasilovanın “Əzizə Cəfərzadənin bədii yaradıcılığı və xalq ədəbiyyatı (romanları əsasında), fil.ü.f.d. Tahir Rzayevin “İsmayıl Şıxlının “Dəli Kür” romanında epos ənənəsi”, Aytac Abbasovanın “Göl obrazı: əfsanə və yazılı ədəbiyyatda”, Vüsal Səfiyevanın “Akademik Həmid Araslının elmi irsində “Kitabi-Dədə Qorqud” mövzusu”, Sevinc Əliyevanın “Heyvanlar haqqında nağıl və təmsillərin janr xüsusiyyətləri” məqalələri dərc olunub.